Казан Эрмитажында бушлай кинолекторий узачак

20-нче сентябрьдә шәһәрлеләрне совет рәссамы Чыңгыз Әхмәров тормышына һәм иҗатына багышланган картинаны карарга чакыралар.

(Казан шәһәре KZN.RU, 11-нче сентябрь). 20-нче сентябрьдә «Эрмитаж-Казан» үзәгендә бушлай кинолекторий узачак. Биредә «Чыңгыз Әхмәров. Көнчыгыш бикәсенең каһарманы» картинасын күрсәтәчәкләр.

Фильм совет рәссам-монументалисты, дәүләт премиясе лауреаты, Үзбәкстан һәм Татарстанның халык рәссамы, профессор һәм педагог, меңләгән сәнгать һәм график әсәрләр, Ташкентта, Казанда һәм Мәскәүдә бик күп монументаль рәсемнәр авторы Чыңгыз Әхмәровның тормышы һәм иҗатына багышланган. Чыңгыз Әхмәров Европа мәктәбенең Көнчыгыш декоративлыгы һәм композицияләренең зәвыклы булуы белән үзләштерелгән академия тәҗрибәсен берләштерүдән барлыкка килгән танылган һәм күпләргә таныш стильгә ия иде.

Бушлай кинолекторий 17.00 сәгатьтә «Эрмитаж-Казан» үзәгенең лекцияләр залында (3 кат) башланачак. Фильмның дәвамлылыгы 48 минут тәшкил итә, дип хәбәр итә «Казан Кремле» музей-тыюлыгының матбугат хезмәте.

Шулай ук укыгыз

Барлык яңалыклар