Казан аэропортында РФ Дәүләт Думасына депутатлар сайлауда тавыш бирү өчен участок ачылды

Анда пассажирлар, кунаклар, аэропорт һәм авиакомпания хезмәткәрләре тавыш бирә алачак.

Фото: Марат Мугинов

(Казан шәһәре KZN.RU, 13-нче сентябрь). Казанның халыкара аэропортында Россия Федерациясе Дәүләт Думасы депутатларын сайлауларда тавыш бирү участогы ачылды. 17-нче сентябрьдән 19-нчы сентябрьгә кадәр биредә тавыш бирү көннәрендә үзләренең даими яшәү урыннарыннан читтә яки юлда булаган пассажирлар, кунаклар, аэропорт һәм авиакомпания хезмәткәрләре тавыш бирә алачак.

Казан аэропортындагы сайлауларда Россиянең 13 сентябрьгә кадәр урнашу урыны буенча сайлаучылар исемлегенә кертү турында гариза биргән балигъ булмаган гражданнары катнаша ала. Бюллетеньнәр тавыш бирүдә катнашучыларга паспорт яки аны алмаштыручы документны күрсәтү буенча бирелә.

2828-нче номерлы вакытлы сайлау участогы 1-нче терминал бинасында, өченче катта урнашкан. Ул Мәскәү вакыты белән сәгать 08:00 сәгатьтән 20:00 сәгатькә кадәр өч көн дәвамында эшләячәк.

Сайлау участогында коронавирус инфекциясе таралуны булдырмау буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең барлык таләпләре үтәләчәк, дип хәбәр итә ТР Транспорт һәм юл хуҗалыгы министрлыгы матбугат хезмәте.

Исегезгә төшерәбез, киләсе сайлауларда 920 меңнән артык казанлы тавыш бирә алачак, шуларның 10,8 меңе беренче тапкыр тавыш бирәчәк. Барлыгы шәһәр территориясендә 463 сайлау участогы төзелгән. 17-нче сентябрьдән 19-нчы сентябрьгә кадәр сигезенче чакырылыш Россия Федерациясе Дәүләт Думасына сайлаулар, шулай ук 15-нче номерлы Азино бермандатлы сайлау округы буенча Татарстан Республикасы Дәүләт Советы депутатларын һәм Казанның 4-нче номерлы Академия Думасы һәм 20-нче номерлы Липатов сайлау округлары буенча өстәмә сайлаулар узачак.

Шулай ук укыгыз

Барлык яңалыклар