Казанның югары уку йортларында "Экоишегаллары" ае башлана

Бөтенроссия акциясендә җиңүче-команда югары уку йортларының "яшелләр" ассоциациясе слетында катнашачак.

(Казан шәһәре KZN.RU, 13-нче февраль). Казан һәм Татарстанның югары уку йортлары "Экодвор" Бөтенроссия акциясенә кушылырга һәм бер айга үзләренең уку йортлары территориясендә калдыкларны аерып җыюны кертергә чакыралар.

Студентлар командаларына акциядә катнашу өчен www.рсо.вузэкоквест.рф сайтында теркәлергә, бәйрәмне оештыру буенча методик материалларны өйрәнергә, үз уку йортларында "Экодвор" акциясен оештырырга һәм үткәрергә кирәк. Бәйрәм нәтиҗәләре турында актив студентларны #экодворparty хэштегы белән социаль челтәрләрендә сөйләргә һәм оештыручыларга 25 февральгә кадәр хисап бирергә өндиләр.

"Экодвор" бәйрәме икенчел эшкәртүгә җибәрү өчен икенчел чимал кабул итүнең мобиль пунктын (кәгазь, пыяла, металл, пластик һәм тд.) оештыруны, шулай ук әйберләр һәм китаплар белән алмашуны, әйберләрнең икенче гомере буенча иҗади мастер-класслар, уеннар, викториналар, квестлар һәм башка активлыкны үз эченә ала.

Акция нәтиҗәләре һәм эшкәртелгән чүп саны буенча җиңүчеләрне сайлап алачаклар: 6 призер-команданы файдалы экопризлар, ә җиңүче команданы - бу елның мартында Мәскәүдә узачак югары уку йортларының "яшелләр" ассоциациясенең Гомумроссия слетында катнашу көтә.

Акция "Экодвор party" Бөтенроссия конкурсы һәм "Безнең белән аер" студентлар экоквесты кысаларында үткәрелә һәм 25 февральгә кадәр дәвам итәчәк, дип хәбәр итә оештыручылар.

Исегезгә төшерәбез, теләгән һәркем, мойэкодвор.рф сайтында "Экодвор" проектына кушылып һәм түләүсез методик материаллар алып, үз ишегалларында калдыкларны аерым җыюны оештыра ала.

Шулай ук укыгыз

Барлык яңалыклар