Казанның провизор һәм «ковид» госпитальләрендә резерв урыннарның саны җитәрлек

Башкалада коронавирус таралуга каршы тору штабы утырышы узды.

(Казан шәһәре KZN.RU, 24-нче апрель). Бүген Казан Башкарма комитеты җитәкчесе Денис Калинкин уздырган коронавирус таралуга каршы тору штабы утырышында коронавирус ситуациясе турында Татарстан Республикасы сәламәтлек саклау министры урынбасары - Татарстан Республикасы Сәламәтлек саклау министрлыгының Казан буенча идарәсе башлыгы Владимир Жаворонков хәбәр итте. Аның сүзләренә караганда, провизор һәм «ковид» госпитальләр зур ныклык запасы белән эшли, аларда буш койкалар резервы бар. В.Жаворонков шәһәрдә ОРВИ авыруының эпидемия бусагасыннан 50 процентка түбәнрәк булуын билгеләп үтте. ОРВИ авыруының кимүе әлеге атна дәвамында барган.

Россия Эчке эшләр министрлыгының Казан буенча идарәсе башлыгы Александр Мищихин бу көннән хокук саклау органнары контроленә карантинны үтәү өлешендә башка шәһәрләрдән Казанга кайткан тагын 600 кеше өстәлде, дип хәбәр итте.

Башкарма комитет җитәкчесенең беренче урынбасары Рөстәм Гафаров 063 (шәһәр телефоннарыннан) һәм +7(843)236-41-23 (теләсә нинди телефоннан) кайнар линияләр эше оештырылуын билгеләде. Аңа 3258 шалтырату кабул ителгән. Кайнар линия аша килгәнгаризалар төрле ысуллар белән эшкәртелә. Азык-төлек һәм дарулар китерү белән ярдәм кирәк булган кешеләргә волонтерлар булыша. Кичә шундый 112 гариза булган. Азык-төлек ярдәменә мохтаҗ булганнарга «Яхшылык тартмалары»н KazanExpress компаниясеннән китерәләр.

Р.Гафаров сүзләренә караганда, Казанның балалар бакчаларында кизү төркемнәр эше дәвам итә. 30 балалар бакчасына бүген 920 бала йөри.

Штаб эшендә Башкарма комитет җитәкчесе урынбасарлары һәм район администрацияләре башлыклары катнашты.