Казан мәхәлләләрендә мобиль кан салу станцияләре эшли башлый

Донор акцияләре чиркәү бәйрәмнәре көннәрендә узачак.

Фото: Денис Гордийко

(Казан шәһәре KZN.RU, 20-нче май). Казан мәхәлләләрендә чиркәү бәйрәмнәре көннәрендә кан салу мобиль станцияләре эшләячәк.

21-нче майда, апостол һәм евангелист Иоанн Богослов истәлеге көнендә, кан үзәгенең мобиль комплексы изге Иоанн Кронштадтский храмында Челюскин урамы, 31а адресы буенча эшләячәк. Кан алу 7:00 сәгатьтә башлана.

11-нче июньдә, изге Луки (Войно-Ясенецкий) истәлеге көнендә, канны Республика кан үзәгендә 7:30 сәгатьтән 13:00 сәгатькә кадәр тапшырырга мөмкин булачак (Җиңү проспекты, 85), дип хәбәр ителә Татарстан митрополиясе сайтында.

Казан храмнарына кан үзәге мобиль комплексының чыгу графигы

18-нче июнь – изге Кирилл, Казан митрополиты Архиерей утары (Чистай урамы, 30);

10-нчы август – изге Серафим Саровский храмы (Сафиуллин урамы, 7);

27-нче сентябрь – Воскресенск Новоиерусалим йорты (Оренбург тракты, 48);

14-нче октябрь – Никольский соборы (Бауман урамы, 5);

5-нче ноябрь – Изге кенәз Александр Невский храмы (Академик Сахаров урамы, 16б);

12-нче июль – Петропавел соборы (М.Җәлил урамы, 21).

Исегезгә төшерәбез, донациягә кадәр 72 сәгать кала аспирин һәм анальгетика булган дарулар кабул итәргә һәм процедурага кадәр 48 сәгать кала исерткеч эчемлекләр кулланырга ярамый . Төнге сменада эшләгәннән соң кан бирергә киңәш ителми, чөнки организмга кан тапшырыр алдыннан 8 сәгатьлек ял таләп ителә. Донор булу өчен йогышлы, паразитар, йөрәк-кан тамырлары һәм башка авырулар булмау кирәк.

Донация турында тулырак мәгълүматны Республика кан үзәге сайтында табарга була.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар