Казан поселокларында яшәүчеләр йорт хайваннарына котыру авыруыннан бушлай прививка ясата алачак

Вакцинация Кадыш, Салмачы, Константиновка һәм башка торак массивларда оештырылачак

Фото: Денис Гордийко

Киләсе ял көннәрендә Казан поселокларында этләр һәм мәчеләргә котыру авыруына каршы бушлай вакцинация үткәреләчәк.

Иртәгә, 6 нчы апрельдә, Авиатөзелеш һәм Яңа Савин районнарында яшәүчеләрне Кадыш поселогында 9:00 сәгатьтән 11:00 сәгатькә кадәр Калинин урамы, 1 адресы буенча (почта бүлекчәсе янында) көтәчәкләр. 9:00 сәгатьтән 10:00 сәгатькә кадәр ветеринария табиблары – Зәңгәр Күл торак массивында, 11:00 сәгатьтән 12: 00 сәгатькә кадәр Брикетный торак массивында кизү торачак.

Идел буе районында вакцинацияне 10:00 сәгатьтән 14:00 сәгатькә кадәр Салмачы поселогындагы Центральная урамы, 18, 139 адреслары буенча үткәрәчәкләр.

Совет районында хайваннарга 10:00 сәгатьтән 12:00 сәгатькә кадәр Константиновка поселогындагы Интернациональная урамы, 24а адресы буенча (мәдәният йорты янында) прививка ясатырга мөмкин булачак. Ә 12:30 дан 14:30 га кадәр ветеринария хезмәткәрләре Царицынский бугор торак массивындагы Саф урамы, 39а адресы буенча кизү торачак.

Якшәмбе, 7 нче апрельдә, ветеринария бригадалары Идел буе районының Иске Горки поселогына киләчәк. Вакцинация 10:00 сәгатьтән 13:00 сәгатькә кадәр Артель урамы, 10 адресы буенча оештырылачак.

Авиатөзелеш районында 9:00 сәгатьтән 11:00 сәгатькә кадәр вакцинация «Крутушка» шифаханәсендә (котельная янында) һәм Щербаково торак массивында Дачная урамы буенча (һәйкәл янында) оештырылачак, дип хәбәр иттеләр Казанның Дәүләт ветеринария берләшмәсендә.

Шулай ук укыгыз

Барлык яңалыклар