Күпфункцияле үзәкнең Казандагы офисларында 17 яңа муниципаль хезмәт күрсәтелә башлады

Шәһәрлеләр капиталь төзелеш объектының сүтелүе турында оператив хәбәр бирә һәм бинаның архитектур кыяфәтен килештерә алачак.

Фото: Денис Гордийко

(Казан шәһәре KZN.RU, 25-нче февраль). Казанның күпфункцияле үзәкләре офисларында 17 яңа муниципаль хезмәт күрсәтелә башлады.

Хәзер шәһәр халкы күпфункцияле үзәк аша капиталь төзелеш объектын сүтү яки сүтү тәмамлануы турында хәбәрнамә, бирем бирү һәм муниципаль әһәмияттәге мәдәни мирас объектларын саклау буенча эшләр башкаруга проект документациясен килештерү өчен гариза бирә ала. Моннан тыш, «Минем документлар» офисларында объектның архитектура-шәһәр төзелеше күренешен килештерү, территориянең кадастр планында җир кишәрлегенең урнашу схемасын раслау, шулай ук төрле шартларда җир кишәрлекләре бирү өчен гариза бирү мөмкин.

Күпфункцияле үзәктә берьюлы берничә хезмәттән файдаланырга мөмкин булачак, шул исәптән шәһәр Бшкарма комитетының төрле структур бүлекчәләре тарафыннан күрсәтелә торганнарыннан да. Мәсәлән, сүтү турында гариза белән мөрәҗәгать итеп, планлаштырылган төзелеш турында шунда ук хәбәр бирергә мөмкин.

Капиталь төзелеш объектын сүтү турында хәбәрнамә бирү иң кирәкле хезмәтләрнең берсе булыр дип көтелә. Планлаштырылган сүтү яисә аны тәмамлау турындагы хәбәрнамщ объектның хокук иясе, төзүче яисә техник заказчы тарафыннан эшләр башланганчы җиде эш көненнән дә соңга калмыйча һәм алар тәмамланганнан соң җиде эш көненнән дә соңга калмыйча тапшырыла. Шул ук вакытта гариза Башкарма комитетта каралачак.

Билгеләп үтик, шәхси торак төзелеше объектын яки бакча җир кишәрлегендә урнашкан торак йортны – бакча йортын, төзелмәләрне һәм ярдәмче характердагы корылмаларны сүткән вакытта сүтү эшләрен оештыру проекты таләп ителми, дип хәбәр ителә «Минем документлар» сайтында»

Бүгенге көндә Казанның күпфункцияле үзәкләрендә барлыгы 66 муниципаль хезмәт күрсәтелә.

Шулай ук укыгыз

Барлык яңалыклар