Казан китапханәләрендә шәһәрлеләрнең балачак хатирәләре белән бәйле открыткалар пәйда булачак

Акция Халыкара хатын-кызлар көне алдыннан узачак

Фото: Денис Гордийко

Халыкара хатын-кызлар көне алдыннан Казан китапханәләрендә шәһәрлеләрнең балачак хатирәләре белән бәйле открыткалар пәйда булачак. Акциядә катнашучылар балачакта әниләре яки әбиләре укыган яраткан әкиятләре турында сөйләячәкләр.

Үз хатирәләре белән теләгән һәркем уртаклашырга мөмкин. Алар открытка сюжетлары өчен нигез итеп алыначак. Мондый открыткалар соңрак 26 нчы, 27 нче һәм «Сандугач» китапханәләрендә пәйда булачак.

Катнашучылар шулай ук әкият уку белән бәйле матур мизгелләр турында сөйли ала. Әйтик, гаиләдәге традицияләр яки балачактагы якты хатирәләр – хикәяләр теләсә нинди темага багышланырга мөмкин.

Барлык открыткалар да катнашучылар искә алган китаплар эченә салыначак. Әгәр кем дә булса Габдулла Тукай әкиятләре турында сөйләгән икән, шуңа багышланган рәсем белән открытканы әлеге авторның китабында табып булачак. Открытканы үзең белән алырга һәм кыстыргыч итеп файдаланырга мөмкин.

Иллюстрацияләр китапханәләрдә 7 нче мартта пәйда булачак. Акциядә катнашу өчен гаризаны, форма тутырып, 3 нче мартка кадәр тапшырырга мөмкин, дип хәбәр иттеләр «Алдынгылар хәрәкәте»ндә.

Шулай ук укыгыз

Барлык яңалыклар