Казан медицина учреждениеләренә кызамыктан вакцинаның яңа партиясе кайтты

Казан медицина учреждениеләренә кызамыктан вакцинаның яңа партиясе кайтты

<p> </p> <div class="detail-picture"> <img src="https://kzn.ru/upload/iblock/4f5/4f50946ca05669f8f6648f31ee4a6a3f.jpg"> <p class="detail-picture__caption"> Фото: Марат Мөгыйнов </p> </div> (Казан шәһәре KZN.RU, 26 нчы апрель). ТР башкаласында яшәүчеләр кызамыктан прививка ясата ала. Вакцинаның яңа партиясе бүген шәһәрнең медицина учреждениеләренә кайтты. <p> </p> <p> Кискен вируслы авыру һава-тамчы юлы белән йога һәм югары тән температурасы, интоксикация, ютәл, томау, конъюнктивит һәм тимгелләр белән уза. Ул авыр кичерелә, мәсәлән, көзән җыерулар, үпкә яки баш мие ялкынсынуы булырга мөмкин. </p> <p> Вакцинацияне кызамык авыруы булмаган, прививка ясатмаган яки бер тапкыр прививка ясаткан яки вакцинация турында мәгълүматлары булмаган шәһәр халкына үтәргә киңәш ителә. 35 яшькә кадәрге, шулай ук 36 яшьтән 55 яшькә кадәрге казанлыларга – медицина һәм мәгариф оешмалары, сәүдә предприятиеләре, транспорт, коммуналь һәм социаль өлкәләр хезмәткәрләренә, вахта ысулы белән эшләүчеләргә һәм Россия чиге аша чыгу пунктларында дәүләт контроль органнары хезмәткәрләренә прививка ясатырга кирәк. </p> <p> ТР Сәламәтлек саклау министрлыгының Казан буенча Сәламәтлек саклау идарәсендә шулай ук балалар һәм өлкәннәр өчен аеруча куркыныч булган пневмококк инфекциясенә вакцинация ясату кирәклеге турында искә төшерәләр. Хроник үпкә авыруларыннан интегүче 60 яшьтән өлкәнрәк кешеләрне пневмококк инфекциясеннән прививка ясатырга чакыралар. </p> <p> Вакцинациягә язылу өчен участок терапевтына мөрәҗәгать итәргә кирәк, дип хәбәр итә ТР Сәламәтлек саклау министрлыгының Казан буенча Сәламәтлек саклау идарәсе матбугат хезмәте. </p>

2023-04-26T10:42:22+0300