Казанда җирдән файдалану һәм төзелеш кагыйдәләре проекты буенча иҗтимагый фикер алышулар тәмамланды

Экспозиция барышында 87 сорау һәм 447 искәрмә һәм тәкъдим килде.

Фото: Казан шәһәре KZN.RU

(Казан шәһәре KZN.RU, 28-нче гыйнвар). Казанда яңа проект Җирдән файдалану һәм төзелеш кагыйдәләре буенча иҗтимагый фикер алышулар тәмамланды. 15-нче декабрьдән 22-нче декабрьгә кадәр узган экспозиция барышында җәмәгать фикер алышуларында катнашучылардан 87 сорау, 447 искәрмә һәм тәкъдимнәр керде. 43 тәкъдим җәмәгать фикер алышуларында катнашучының статусын раслау булмау сәбәпле кире кагылды.

Архитектура һәм шәһәр төзелеше идарәсендә хәбәр итүләренчә, 447 искәрмәдән 82 тәкъдим исәпкә алынган, 117 өлешчә исәпкә алынган. 248 тәкъдим исәпкә алынмаган,аларда 15 кимчелек ачыкланган.

Аерым алганда, территорияләрне планлаштыруның хәзерге вакытка әзер проектлары буенча кисәтүләр исәпкә алынды – кагыйдәләр карталарында зоналарның чикләре, шул исәптән урам-юл челтәре подзоналары төгәлләштереләчәк. Шулай ук табигый-рекреацион комплекс һәм яр буе территорияләре подзоналары чикләренә карата да искәрмәләр исәпкә алынды. Җир кишәрлекләренең һәм күчемсез милек объектларының кулланылышын саклап калу исәпкә алынды.

Булачак урамнарга һәм юлларга карата расланган кызыл линияләр һәм социаль инфраструктурадан башка кисәтүләр исәпкә алынмады, чөнки бу мәсьәләләр элек расланган Генераль планга карый. Шулай ук җир кишәрлекләрен территориаль зоналарга кертү буенча тәкъдимнәр исәпкә алынмады, алар Генераль планга каршы килә.

Шунысын да билгеләп үтәргә кирәк, иҗтимагый фикер алышулар процедурасы ике ай – 26-нчы ноябрьдән бирле дәвам итте . Фикер алышуда казанлылар һәм шәһәр территориясендә урнашкан күчемсез милек объектлары хокук ияләре катнашты. Иҗтимагый фикер алышулар нәтиҗәләре белән 28-нче гыйнварда ике өлештә (1-нче өлеш, 2-нче өлеш) чыккан Казан муниципаль берәмлеге документлар һәм хокукый актлар җыентыгының махсус чыгарылышында танышырга мөмкин.

Иҗтимагый фикер алышулар нәтиҗәләре буенча Казанның җирдән файдалану һәм төзелеш кагыйдәләре проекты эшләнеп бетәчәк. Шуннан соң документ Җирдән файдалану һәм төзелеш кагыйдәләрен әзерләү буенча комиссия тарафыннан тәкъдим ителәчәк, ул барлык тәкъдимнәр һәм искәрмәләр буенча ахыргы карарларны кабул итәчәк. Йомгаклау, комиссия узган, Җирдән файдалану һәм төзелеш кагыйдәләре проекты Казан шәһәр Думасына раслауга юнәлдереләчәк.

Шулай ук укыгыз

Барлык яңалыклар