Казанда «Ретро-пәнҗешәмбе»ләр сериясе тәмамлана

Бүген «Крылья Советов» паркында шәһәр халкы Эльдар Рязановның «Автомобильдән саклан» комедиясен карый алачак.

(Казан шәһәре KZN.RU, 12-нче сентябрь). Бүген Казанның «Крылья Советов» паркында «Ретро-пәнҗешәмбе» проекты кысаларында кино күрсәтүләр сериясе тәмамлана. Бу сезонда шәһәр халкы «Ракушка» җәйге эстрадасында күрә алачак соңгы фильм – Эльдар Рязановның «Автомобильдән саклан» комедиясе.

Киносеанс 20.00 сәгатькә планлаштырылган, керү ирекле, дип хәбәр итә Парклар һәм скверлар дирекциясенең матбугат хезмәте.

Исегезгә төшерәбез, Казанның җәмәгать киңлекләрендә җәйге сезон тәмамлана. Шәһәр халкы һәм кунаклары өчен төрле чаралар әзерләнгән.