Казанда Идел буенча пассажирлар навигациясе тәмамлана

Пассажирларны йөртүне «Татфлот» суднолар йөрү компаниясе» АҖ һәм «Чаллы» руда булмаган материаллар җитештерү берләшмәсе» ҖЧҖ гамәлгә ашыра.

(Казан шәһәре KZN.RU, 30-нчы октябрь). 11-нче ноябрьдә Казанда Идел буенча пассажирлар навигациясе тәмамлана. «Татфлот» суднолар йөрү компаниясе җәдвәле нигезендә, бүгенге көндә Казаннан Печищига кадәр дүрт көнлек рейс, шулай ук Ташевка авылына кадәр бер көнлек рейс башкарылуы дәвам итә.

Әйтик, 10-нчы ноябрьдә су судносы соңгы тапкыр быел Казан елга портыннан – Ташевкага, ә 11-нче ноябрьдә 6.45 сәгатьтә Печищидан башкала портына барачак.

Быел Казанның елга портыннан (Студенец аша) Садовая елга портына кадәр, (Югары Ослан аша) Печищига кадәр, (Түбән Ослан аша) Ташевкага кадәр, Ключищи һәм Матюшино авылларына кадәр, шулай ук (Түбән Ослан, Ключищи, Матюшино, Ташевка һәм Гребени аша) Кызыл Байракка кадәр барырга мөмкин иде. Моннан тыш, Татарстан башкаласыннан Зөягә кадәр көн саен башкарыла торган рейслар һәм Болгар белән Тәтешкә кадәр өч тапкыр башкарыла торган тиз йөрешле рейслар гамәлдә.

Татарстанның шәһәр яны территориясендә су аша пассажирларны йөртүне «Татфлот» суднолар йөрү компаниясе» акционерлык җәмгыяте һәм «Чаллы» руда булмаган материаллар җитештерү берләшмәсе» җаваплылыгы чикләнгән җәмгыяте гамәлгә ашыра, дип хәбәр итә ТР Транспорт һәм юл хуҗалыгы министрлыгы.

Шулай ук укыгыз

Барлык яңалыклар