Казанда ялгыз яшәүче өлкән яшьтәге гражданнар өчен кайнар линия телефоннары эшли башлады

Пенсионерларны кирәкле ярдәм белән махсус оештырылган волонтерлар отряды вәкилләре тәэмин итәчәк.

(Казан шәһәре KZN.RU, 20-нче март). Казанда азык-төлек һәм дарулар китерү мәсьәләләре буенча ялгыз һәм үзләре генә яшәүче өлкән яшьтәге гражданнар өчен кайнар линия телефоннары эшли башлады. Пенсионерларны кирәкле ярдәм белән махсус оештырылган волонтерлар отряды вәкилләре тәэмин итәчәк.

Кайнар линия телефоннары шәһәрнең барлык район администрацияләрендә эшләп китте.

Авиатөзелеш һәм Яңа Савин районнарында яшәүче өлкән яшьтәге гражданнардан шалтыратулар түбәндәге телефон буенча кабул ителәчәк: +7(843)519-34-06; Вахитов һәм Идел буе районнарында: +7(843)264-30-86; Киров һәм Мәскәү районнарында: +7(843)557-76-10; Совет районында: +7(843)272-17-97.

Билгеләп үтәбез:

азык-төлек һәм дарулар сатып алу, волонтерлар тарафыннан коммуналь түләүләрне башкару ялгыз (ялгыз яшәүче) өлкән яшьтәге кеше (инвалид) акчалары исәбеннән башкарыла;

волонтерлар, социаль хезмәткәрләр беренче кирәк булган продуктларны гына китерә.

Исегезгә төшерәбез, Кулланучылар хокукларын яклау һәм кеше иминлеге өлкәсендә күзәтчелек федераль хезмәте мәгълүматлары буенча, 60 яшьтән өлкәнрәк кешеләр, башкаларга караганда, коронавирус инфекция йогынтысына ешрак дучар ителә. Иммунитет системасына йөкләнеш аркасында өлкән яшьтәге кешеләрнең сәламәтлеге какшарга мөмкин, шул исәптән вируслы үпкә ялкынсынуы кузгала ала. Өлкән яшьтәге гражданнарга һәм инвалидларга кибетләргә, даруханәләргә, банкларга, почта бүлекчәләренә һәм башка оешмаларга сирәгрәк йөрергә киңәш ителә. Аларга азык-төлек алу, дарулар сатып алу һәм коммуналь хезмәтләр өчен түләүдә туганнары һәм якыннары ягыннан ярдәм күрсәтелергә тиеш.

Шулай ук укыгыз

Барлык яңалыклар