Казанда беренче өч фонтан эшли башлады

Казанда беренче өч фонтан эшли башлады

<p> </p> <div class="detail-picture"> <img src="https://kzn.ru/upload/iblock/b59/DSC_0326.jpg"> <p class="detail-picture__caption"> Фото: Казан шәһәре KZN.RU </p> </div> <p> (Казан шәһәре KZN.RU, 15-нче апрель, Екатерина Виславская). Җылы көннәр җитү белән Казанда фонтаннар эшли башлады. Шәһәрдә инде өчәү эшли: Юдинодагы Тимерьюлчылар мәдәният йорты каршындагы мәйданда, шулай ук Бауман урамындагы «Күгәрченнәр» һәм «Русалка». </p> <p> Казанда Тышкы төзекләндерү комитеты балансында 29 фонтан исәпләнә, шуларның 24-е җәй көне эшләячәк. Кыш көне фонтаннардан суны суыртып алдылар, аларны чистарттылар һәм фанера белән каплап куйдыйлар. Хәзер белгечләр консервацияләү дип аталучы эш белән шөгыльләнә: каплагыч материалларны алалар, фильтрлар, насослар һәм кышка алып куелгае элементларны урнаштыралар, электр энергиясе һәм су белән тәэмин итү челтәрләрен чистарталар, тоташтыралар. </p> <p> Фонтаннарны график нигезендә этаплап кабызачаклар, һәм апрель азагына кадәр, берсеннән тыш, бөтенесен дә эшләтеп җибәрү планлаштырыла. Түбән Кабан күлендәге «йөзүче» фонтан май аенда эшли башлаячак, чөнки аны тоташтыру зур әзерлек таләп итә, дип хәбәр иттеләр Тышкы төзекләндерү комитетында. </p> <p>   </p>

2021-04-15T14:32:38+0300