Казанда «Яшел шәһәр» ККК җыю буенча яңа мәйданчык эшли башлады

Калдыкларны кабул итү түбәндәге фракцияләр буенча алып барыла: металл, кәгазь, пластик

Казанның Үзәк Мариуполь урамындагы 49 йорт адресы буенча «Яшел шәһәр» каты коммуналь калдыклар җыю мәйданчыгы эшли башлады. Бу хакта Авиатөзелеш һәм Яңа Савин районнары матбугат хезмәте хәбәр итә.

Күп еллар бу адрес буенча төзелеш чүп-чарларын рөхсәтсез бушату алып барылды, бу гаять зур чүплекләр барлыкка килүгә китерде. Хәзерге вакытта монда калдыкларны кабул итү өчен заманча мәйданчык оештырылган, анда автоматлаштырылган үлчәүләр урнаштырылган. Алга таба пресслау эшли башлаячак. Шулай ук каты өслекле керү юллары һәм тирә-як территория төзекләндерелде.

Бүген «Яшел шәһәр» мәйданчыгында металл, кәгазь, пластик һәм башка төрләр буенча калдыклар кабул ителә.

Исегезгә төшерәбез, Казанның Родина урамындагы 45 йорт һәм Васильченко урамындагы 6 йорт адреслары буенча җыелу нокталары эшли. Кабул итү пунктына икенчел чималны эшкәртүгә 35 фракция буенча тапшырырга була – кием һәм тукымалардан алып электроникага кадәр.

Шулай ук укыгыз

Барлык яңалыклар