В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
11.05.2020, 14:36
Казанда БДИга әзерләнүдә ярдәм итү өчен онлайн-проект эшләтеп җибәрделәр
Ике атна эчендә проектны 8 мең кеше карады.
(Казан шәһәре KZN.RU, 11-нче май, Ксения Швецова). Казанда БДИ тапшырырга кирәк булачак укучылар, шулай ук чыгарылыш сыйныф укучыларын әзерләүче укытучылар өчен «Казан укытучылары онлайн» проектын эшләтеп җибәрделәр. Проект кысаларында шәһәрнең иң яхшы укытучылары, әйдәп баручы экспертлар көн саен төрле мәктәп предметлары буенча вебинарлар үткәрәләр. Бу хакта бүген коронавирус инфекциясенә каршы тору буенча штаб утырышында Мәгариф идарәсе башлыгы Ирек Ризванов сөйләде.
Проект 15-нче апрельдә башланып китте һәм ике атна эчендә 8 меңгә якын карау җыйды. Проект «Ел укытучысы-2017» бөтенроссия конкурсы җиңүчесе һәм БДИ тикшерү эксперты Алмаз Хәмидуллин җитәкчелегендә тормышка ашырыла.
«Шунысы сөендерә, без бу трансляция белән Казаннан гына түгел, республикадан һәм Россиянең башка төбәкләреннән дә кызыксыну барлыгын күрәбез», - дип билгеләде И.Ризванов.
БДИның иң кирәкле предметлары буенча вебинарларны трансляцияләү имтиханнар башланганчы дәвам итәчәк.
Шулай ук укыгыз
-
29.11.2025, 12:10 -
29.11.2025, 11:00 -
29.11.2025, 09:30 -
29.11.2025, 09:09