Казанда тәүлек эчендә коронавирус белән авыруның 50 очрагы расланды

Татарстан буенча COVID-19 белән авыруның тагын 92 яңа очрагы теркәлгән.

Фото: Денис Гордийко

(Казан шәһәре KZN.RU, 14-нче гыйнвар). Татарстанда COVID-19 белән авыруның 92 яңа очрагы теркәлгән, шуларның 2-се читтән кайткан, калганнары контактлы. 30 кеше хастаханәгә озатылган, 62 кеше өйләрендә дәвалана.

Авыручылар арасында ике балигъ булмаган бала бар, 18 яшьтән 30 яшькә кадәр 10 кеше, 30 кеше – 30 яшьтән 50 яшькә кадәр, 9 кеше – 50 дән 60 яшькә кадәр, 22 кеше– 60 яшьтән 70 яшькә кадәр, 11 кеше – 70 тән 80 яшькә кадәр, 7 кеше – 80 яшьтән 90 яшькә кадәр һәм бер кеше – 90 яшьтән өлкәнрәк.

Авыручылардан 50 кеше – Казанда, 17 кеше – Яр Чаллыда, 6 кеше – Түбән Кама районында, 3 кеше – Биектау һәм Ютазы районнарында, 2 кеше – Буа, Яшел Үзән һәм Теләче районнарында, берәр кеше – Аксубай, Алексеевск, Әлмәт, Бөгелмә, Югары Ослан, Лаеш һәм Питрәч районнарында яши.

Барлыгы 14-нче гыйнварга Татарстанда 14 мең 541 COVID-19 авыруы очрагы теркәлгән. Пандемиянең бөтен чорында 11 мең 114 кеше сәламәтләнде, шул исәптән 32 кеше – узган тәүлектә, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә тәүлек эчендә 24 мең 763 яңа авыру очрагы теркәлгән. Илдә барлыгы 3 млн 495 мең 816 кеше авырган, 2 млн 882 мең 44 кеше сәламәтләнгән, 63 мең 940 кеше үлгән.

Шулай ук укыгыз

Барлык яңалыклар