Фото: Денис Гордийко
Казанда бер тәүлектә күпфатирлы йортның 178 түбәсен кардан һәм боздан чистартканнар. Шәһәрдә барлыгы 2084 иңкү түбә исәпләнә, шуларның 578е инде тәртипкә китерелгән, бу гомуми күләмнең 28% ын тәшкил итә.
Түбәләр буенча иң күп эш Киров һәм Мәскәү районнарында башкарылган, анда тәүлеккә 63 түбә чистартылган, шулай ук Вахитов һәм Идел буе районнарында – 50. Авиатөзелеш һәм Яңа Савин районнарында – 28, Совет районында 37 түбә тәртипкә китерелде.
Бу эшләр беррәттән йорт яны территорияләрен җыештыру дәвам итә. 4177 йортның 2406сында тәртип урнаштырганнар инде, бу гомуми санның 58% ы. Эшкә 1386 урам чистартучысы чыкты, шулай ук 261 берәмлек техника җәлеп ителгән.
Исегезгә төшерәбез, Казан мэры Илсур Метшин эшлекле дүшәмбедә көчле кар явудан соң
түбәләрне чистарту – төп бурыч, дип белдерде. Шәһәр башлыгы сүзләренчә, температура үзгәрү аркасында кар авырая һәм корылмалар өчен куркыныч тудыра. Шулай ук ул билгеләп үткәнчә, юлларда вәзгыять яхшыруга карамастан,
ишегалларын җыештыру буенча күпсанлы шикаятьләр килә.