Казанда ярты ел эчендә юл-транспорт һәлакәтләре саны 651 гә кадәр кимегән

Казанда ярты ел эчендә юл-транспорт һәлакәтләре саны 651 гә кадәр кимегән

<p> </p> <div class="detail-picture"> <img src="https://kzn.ru/upload/iblock/b20/b2081a013daa404f93dc00d50a0fd0e7.jpg"> <p class="detail-picture__caption"> Фото: Денис Гордийко </p> </div> (Казан шәһәре KZN.RU, 13 нче июль, Диана Жиленкова). Казанда ярты ел эчендә юл-транспорт һәлакәтләренең гомуми саны кимегән, әмма зыян күрүчеләр саны арткан. ЮХИДИ төп юл-транспорт һәлакәтләренең – бәрелешләр һәм җәяүлеләрне бәрдерү очракларының – кимүен теркәгән. Әмма велосипедчылар һәм ишегалларындагы җәяүлеләр юл-транспорт һәлакәтенә ешрак эләгә башлаган. Шәһәр Башкарма комитеты җитәкчесе Рөстәм Гафаров рәислегендә узган Юл хәрәкәте иминлеге буенча комиссия утырышында шундый мәгълүматлар китерелде. <p> </p> <h3>  Ишегалды территорияләрендәге юл-транспорт һәлакәтләре саны 2,5 тапкырга арткан</h3> <p> Беренче яртыеллыкта Казан юлларында 651 юл-транспорт һәлакәте теркәлгән, аларда 17 кеше һәлак булган, тагын 770 кеше җәрәхәтләнгән. Юл-транспорт һәлакәтләренең һәм һәлак булганнарның гомуми саны узган ел белән чагыштырганда 658 гә һәм 18 гә кимегән, әмма зыян күрүчеләр саны 6 кешегә арткан. Бу хакта РФ Эчке эшләр министрлыгының ТР башкаласы буенча ЮХИДИ идарәсе башлыгы Эльнар Садриев хәбәр итте. </p> <p> Быел машина бәрелешүләре (2 гә 283 юл-транспорт һәлакәтенә кадәр) һәм җәяүлеләрне бәрдерү (21 гә 207 юл-транспорт һәлакәтенә кадәр) кимегән. </p> <p> Шуңа да карамастан юл-транспорт һәлакәтендә һәлак булучыларның яртысы диярлек – 17 кешенең 8 е – юлны тиешсез урында кичкән җәяүлеләр. Тагын 6 кеше машиналар бәрелешү нәтиҗәсендә һәлак булган. </p> <p> Һәр очракта ЮХИДИ тәкъдимнәр җиткерде – кайдадыр өстәмә светофорлар, делиниаторлар, коймалар урнаштырырга, юл хәрәкәте иминлеген пропагандалауны көчәйтергә кирәк. </p> <p> Ишегалларында 15 юл-транспорт һәлакәте булган, бу узган ел белән чагыштырганда 2,5 тапкырга күбрәк. Эльнар Садриев ишегалларын төзекләндерүгә игътибар итәргә һәм юл хәрәкәте куркынычсызлыгы кагыйдәләре турында мәгълүматны лифтлардагы һәм подъездлардагы стендларда урнаштырырга тәкъдим итте. </p> <p> Электр самокатлары катнашындагы авариялелек мәсьәләсе дә проблемалы булып кала – ел башыннан мондый юл-транспорт һәлакәтләре саны ике тапкыр арткан. </p> <h3> 75 авария участогының 44 е юкка чыгарылган </h3> <p> Узган ел нәтиҗәләре буенча Казанда 270 тән артык юл-транспорт һәлакәте булган 75 авария участогы ачыкланган, дип хәбәр итте Тышкы төзекләндерү комитеты рәисе Игорь Сәлахетдинов. Алар арасында Татарстан урамы белән Сул як Болак урамы, Вишневский урамы белән Достоевский урамы, Декабристлар урамы белән Гагарин урамы, Чуйков урамы белән Адоратский урамы һ.б. киселешләр бар. Хәзер бу участокларда куркынычсызлыкны арттыру өчен өстәмә юл билгеләре, барьерлы коймалар, яктырту яки ясалма юл тигезсезлекләре урнаштыру, билгеләр, тавыш полосалары салу башкарыла, дип җиткерде Игорь Сәлахетдинов. Июль башына аларның 44 ендә тулы күләмдә эшләр башкарылган. </p> <p> Авария хәлендәге участокларда 23 мең кв. метрдан артык мәйданда чокыр ремонты башкарылган. Начар күрүче кешеләрнең яшәү урыннарында һәм алар таләп иткән маршрутлар буенча хәрәкәт итү куркынычсызлыгы өчен 33 светофор объектында «Триоль» системасы урнаштырылачак. Ул светофорның яшел сигналына күчкәндә тавыш кисәтүен кабызып җибәрә. </p> <p> Юл билгеләрен 360 мең кв.м мәйданда ясаганнар – бу барлык күләмнең 96% ы. Төп магистраль урамнарда термопластик кулланыла, транспорт хәрәкәтенең иң аз интенсивлыгы булган урамнарда – буяу. </p> <p> Рөстәм Гафаров авария участокларын бетерүне 1 нче августка кадәр тәмамларга кушты. </p> <h3> Юл-транспорт һәлакәтендә 70 тән артык бала имгәнгән </h3> <p> Балигъ булмаганнар катнашында 64 юл-транспорт һәлакәте теркәлгән, 72 бала имгәнгән. </p> <p> Мәгариф идарәсе башлыгы вазыйфаларын башкаручы Андрей Мачин хәбәр иткәнчә, 150 меңнән артык бала яңа ел бүләкләрендә яктылык кайтаручы элементлар алган, 5 770 тематик класс сәгатьләре үткәрелгән. Мәктәп яны лагерьларында «Иминлек атнасы» уздырылган, программага экскурсияләр, дәресләр һәм юл хәрәкәте кагыйдәләрен белү һәм үтәү буенча дәресләр кертелгән. </p> <p> Узган уку елында шәһәр мәктәпләрендә балалар юл-транспорт травматизмын профилактикалауны популярлаштыру өчен мөстәкыйль балалар оешмалары буларак 190 яшь хәрәкәт инспекторы отряды эшләгән, ул 3 560 баланы колачлаган. </p> <p> Балалар бакчасы дәрәҗәсендә дә шундый ук эш алып барыла. Җәйге лагерьлар кысаларында, яшүсмерләр клубларында уен-лекцияләр, квест-викториналар, фестивальләр үткәрелә. </p> <p> Комиссия утырышында Башкарма комитет җитәкчесе урынбасары Илдар Шакиров һәм Россия Эчке эшләр министрлыгының Казан буенча идарәсе башлыгы урынбасары Илнур Хәялиев катнашты. </p> <p> <i>Фото: Екатерина Красуцкая</i> </p>

2023-07-13T09:43:00+0300