Казанда бер атна эчендә кискен респиратор-вирус инфекцияләре белән авыруның 6 меңнән артык очрагы теркәлгән

Барлык яшь төркемнәре буенча авырулар саны эпидемия бусагасыннан түбәнрәк, грипп очраклары теркәлмәгән.

(Казан шәһәре KZN.RU, 13-нче ноябрь). Атна дәвамында Казанда көчле респиратор вирус инфекцияләре белән авыруның 6090 очрагы теркәлгән, күрсәткеч 10 мең кешегә 49,3-не тәшкил иткән. ТР башкаласында, республиканың башка муниципалитетларындагы кебек үк, авырулар саны барлык яшь төркемнәре буенча эпидемия дәрәҗәсендә түгел, грипп очраклары теркәлмәгән.

Татарстан буенча тулаем алганда атна эчендә көчле респиратор вирус инфекцияләре белән авыруның 11060 очрагы теркәлгән, күрсәткеч 10 мең кешегә 29,7-не тәшкил итә.

Республикада гриппка каршы прививка кампаниясе дәвам итә. Бүгенге көндә гриппка каршы 1 млн 444 мең 663 кеше прививка ясаткан (бу республика халкының 38,8%-ын тәшкил итә), шуларның 503 мең 625-е балалар һәм 937 мең 678-е олылар.

Агымдагы сезонда Татарстан Республикасы халкының 50%-тан артык кешесенә прививка ясау планлаштырыла, шул исәптән куркыныч яный торган төркемнәргә караган кешеләрнең 75%-ына.

Гриппка каршы прививканы авырулар саны артуына 2-3 атна кала ясату яхшырак, дип искә төшерә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе матбугат хезмәте.

Шулай ук укыгыз

Барлык яңалыклар