Казанда Мәскәү дәүләт академик симфоник оркестры чыгыш ясаячак

34 көн дәвамында оркестр Самара, Түбән Новгород, Яр Чаллы, Ижевск, Тверь, Екатеринбург, Уфа һәм илнең башка шәһәрләрендә 20 концерт бирәчәк.

(Казан шәһәре KZN.RU, 3-нче октябрь). Казанда Мәскәү дәүләт академик симфоник оркестры чыгыш ясаячак. Аның сәнгать җитәкчесе һәм баш дирижеры, Россиянең халык артисты Павел Коган гастроль туры кысаларында И.В.Әүһәдиев исемендәге музыка көллияте студентлары белән очрашачак, үзенең профессиональ серләре белән бүлешәчәк һәм 2018 елның актуаль темасы – мәдәни волонтерлык темасы буенча фикер алышачак.

Татарстан башкаласында оркестрның чыгышы коллективның 75 еллыгына багышланган Россия буенча гастроль туры кысаларында тормышка ашырыла. 34 көн дәвамында оркестр Самара, Түбән Новгород, Яр Чаллы, Ижевск, Тверь, Екатеринбург, Уфа һәм илнең башка шәһәрләрендә 20 концерт бирәчәк.

Концерттан кала, казанлыларны оркестрның сәнгать җитәкчесе һәм баш дирижеры, Россиянең халык артисты Павел Коганов белән чорашу көтә. Павел Коганов белән очрашу 5-нче октябрь көнне 10.00 сәгатьтә И.В.Әүһәдиев исемендәге көллият залында булачак.

Шулай ук укыгыз

Барлык яңалыклар