Казанда иң яхшы трамвай йөртүчене сайладылар

Бу исемгә Анна Апакова лаек булды – ул ТР башкаласына мари авылыннан күченгән

Фото: «Метроэлектротранс» МУП

(Казан шәһәре KZN.RU, 18 нче сентябрь). «Метроэлектротранс» МУПдә иң яхшы трамвай йөртүчесе исеменә профессиональ конкурс узды. Ярышларда беренче урынны Анна Апакова алды.

Җиңүче Казанга Варангуж дигән мари авылыннан күченгән. «Кыз чакта ук мин трамвай йөртүчесенең ничек эшләвен күзәтеп тордым. Мин аның идарә итү пульты өстендә очып йөргән кулларына карый идем һәм минем өчен бу ниндидер тылсым кебек тоела иде. Үз алдыма трамвай йөртүче булам дигән максат куйдым. Мин беренче тапкыр йөртүче кабинасына утырганнан бирле 12 елдан артык вакыт үтте – һәм сайлавым өчен бер генә көн дә үкенү булмады», – дип искә ала ул.

Трамвай йөртүче булып китеп, үземнең профессиональ һөнәрем барлыкка килде. Миңа трамвай, юл ошый. Өстәвенә, камилләшергә, яңа нәрсәләрне белергә кирәк. Трамвай йөртүчесе игътибарлы һәм сабыр булырга тиеш, аннан тынычлык, игелекле булу таләп ителә», – дип уртаклашты Анна Апакова.

Конкурста барлыгы 12 трамвай депосы йөртүчесе катнаша. Ярыш берничә этапта узды: теоретик өлеш, юл хәрәкәте кагыйдәләрен тапшыру, линиягә чыгу алдыннан трамвайны кабул итү, пассажирларга хезмәт күрсәтү культурасы һәм уңайлы йөртү.

Конкурс трамвай йөртүчеләрнең белемнәрен камилләштерү, һөнәрнең абруен күтәрү һәм популярлаштыру өчен үткәрелә, дип хәбәр иттеләр «Метроэлектротранс» МУПдә.

Шулай ук укыгыз

Барлык яңалыклар