Яңалыклар
17.11.2021, 11:32
Казанда «Фантазия» джаз-оркестрының сәнгать җитәкчесен сайлаячаклар
Сайлап алу этабы гала-концерт белән тәмамланачак, анда жюри һәм тамашачылар конкурста катнашучылар өчен тавыш бирә алачак.
Фото: «Фантазия» джаз-оркестрының социаль челтәрләре
(Казан шәһәре KZN.RU, 17-нче ноябрь). 18-нче ноябрь көнне «Фантазия» Казан шәһәр хатын-кызлар джаз-оркестрының баш сәнгать җитәкчесен сайлап алуның йомгаклау этабы булачак. Ул «Сәйдәш» мәдәният үзәгендә зур гала-концерт белән тәмамланачак.
Чараның программасына татар халык музыкасы, популяр эстрада һәм джаз пьесалары һәм барлык яраткан классика темаларына попурри кертелгән. Казан халкы музыкаль коллектив иҗаты белән хозурланып кына калмый, ә тавыш бирүдә дә катнаша һәм җиңүчене билгеләргә ярдәм итә алачак.
Джаз-оркестрның яңа сәнгать җитәкчесе вазыйфасына дәгъвачылар арасында – ТРның атказанган артисты, «Фантазия» оркестрының концертмейстеры Алсу Галиева, ТР халык артисты, ТРның атказанган артисты, ТР буенча Эчке эшләр министрлыгының Мәдәни үзәк оркестры дирижеры Марат Кадыйров һәм Казан дәүләт мәдәният институтының өлкән укытучысы, DR.Vаks Band джаз квартеты җитәкчесе, Казанда Василий Аксенов музей-йортында «Казан джаз мохите» популяр джаз лекториен оештыручы һәм алып баручы Юрий Щербаков бар.
Конкурста катнашучыларны профессиональ жюри бәяләячәк, аның составына La Primavera Казан дәүләт камера оркестрының сәнгать җитәкчесе һәм баш дирижеры, Татарстан Республикасының халык артисты Рөстәм Абязов, «Казан нуры» халык инструментлары оркестрының сәнгать җитәкчесе һәм баш дирижеры Рәсим Ильясов, җырчы Лилия Чугунова, ТР атказанган артисты Анатолий Василевский, халыкара конкурслар лауреаты Андрей Руденко кергән. Концертка керү билетлар һәм QR-кодлар буенча, дип хәбәр итә Казанның Мәдәният идарәсе.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
