Казанда «Автоледи-2019» сайланачак

Иң яхшы өч автомобильче ханым республика ярышларында ТР башкаласын тәкъдим итәчәк.

(Казан шәһәре KZN.RU, 3-нче июль). 26-нчы июльдә Казанда хатын-кызлар арасында «Автоледи-2019» автомобиль йөртүче хатын-кызлар арасында машина йөртү осталыгы конкурсының шәһәр сайлап алу этабы узачак.

Катнашучыларны теоретик һәм гамәли сынаулар көтә. Автомобиль йөртүче ханымнарга юл хәрәкәте кагыйдәләрен ни дәрәҗәдә белүләрен һәм махсус трассада автомобиль белән идарә итү күнекмәләрен күрсәтергә кирәк булачак. Конкурс ТР буенча Эчке эшләр министрлыгының ЮХИДИ комплексы территориясендә (Оренбург тракты, 5) узачак.

Казанның иң яхшы өч автомобильче хатын-кызы Татарстан башкаласын бу елның августында узачак республика ярышларында тәкъдим итәчәк.

Кызыксындырган барлык мәгълүматны ачыклау һәм катнашырга гариза бирү өчен (843) 5-333-841, 5-333-842 телефоннары буенча шалтыратырга яки propagandaogai@mail.ru электрон почтасына язарга мөмкин, дип хәбәр итә Россия Эчке эшләр министрлыгы идарәсенең Казан буенча ЮХИДИ бүлеге.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар