Казанда Аэропорт урамындагы проблемалы «Жардин» торак комплексы файдалануга тапшырылды

Казанда Аэропорт урамындагы проблемалы «Жардин» торак комплексы файдалануга тапшырылды

<p> </p> <div class="detail-picture"> <img src="https://kzn.ru/upload/iblock/17d/KZN18_55_58-870.jpg"> <p class="detail-picture__caption"> Фото: ТР Өлешчеләренә ярдәм фонды </p> </div> (Казан шәһәре KZN.RU, 1 нче апрель). Казанның Аэропорт урамы буенча урнашкан «Жардин» торак комплексы эксплуатациягә тапшыруга рөхсәт алды. Тиешле документны Казан Башкарма комитеты бирде. 30 өлешченең хокуклары торгызылды. <p> </p> <p> Бинаның гомуми мәйданы – 3,9 мең кв. м, торак мәйданы – 1,8 мең кв. м. Биш катлы йорт 28 машина урынына җир асты парковкасы белән җиһазландырылган. Йорт яны территориясендә балалар мәйданчыгы һәм ял итү зонасы урнашкан, дип хәбәр итә ТР Өлешчеләренә ярдәм фонды. </p> <p> Йорт төзелеше 2019 елда башланды. 2021 елда йортларны тапшыру сроклары үзгәрүгә бәйле рәвештә, йорт проблемалы объектларның Бердәм реестрына кертелде. Йортны төзүче «Мегаполис» җаваплылыгы чикләнгән җәмгыятенә каршы банкротлык процедурасы башлана. Йорт төзелешен тәмамлау өчен 2021 ел ахырында төзүче яңа подрядчыны җәлеп иткән һәм йортны төзеп бетерә алган. </p> <p>   </p>

2022-04-01T10:09:09+0300