Казанда беренче тапкыр профессор Давыд Менделевичның исемле стипендиясен тапшырачаклар

Казанда беренче тапкыр профессор Давыд Менделевичның исемле стипендиясен тапшырачаклар

<p> (Казан шәһәре KZN.RU, 15-нче февраль). 16 февральдә Казанда беренче тапкыр профессор Давыд Менделевичның исемле стипендиясен тапшырачаклар. Тантана тикшеренүченең туган көнендә узачак.<br> </p> <p> Премия алуга дәгъва кылучылар - Казан дәүләт медицина университетының аспирантлары һәм ординаторлары, анда Татарстанның атказанган фән эшлеклесе һәм атказанган табибы, психиатрия һәм наркология кафедрасы мөдире, профессор Давыд Менделевич эшләгән. Иң яхшыларны укуда һәм фәнни эштә аерым уңышлары өчен бүләкләячәкләр. </p> <p> Бүләкләү тантанасы кысаларында шулай ук профессор исемендәге лекция аудиториясен тантаналы ачу булачак. Монда лекция белән Россия Фәннәр Академиясенең әгъза-корреспонденты, медицина фәннәре докторы, профессор Юрий Александровский чыгыш ясаячак. </p> <p> Стипендиянең инициаторлары булып профессорның уллары – РФ Дәүләт Думасы депутаты Борис Менделевич һәм КДМУ медицина психологиясе кафедрасы мөдире, Бөтендөнья сәламәтлек саклау оешмасы эксперты Владимир Менделевич торды. Стипендия аспирантларга һәм ординаторларга үз күнекмәләрен үстерергә һәм үз һөнәренең күренекле вәкилләре булырга мөмкинлек бирәчәк, дип хәбәр итәләр Казан дәүләт медицина университетында. </p> <p> Белешмә </p> <p> Давыд Менделевич үз гомеренең 60 елдан артыгын психиатриягә багышлады. Ул 230-га якын фәнни эш, шул исәптән 7 монография һәм уку әсбабы язган. Аның җитәкчелегендә 4 докторлык һәм 17 кандидатлык диссертациясе якланган. </p>

2019-02-15T10:52:26+0300