Казанда беренче тапкыр Ишегалды уеннары узачак

Турнирда 10 команда катнашачак

Фото: Марат Мөгыйнов

(Казан шәһәре KZN.RU, 26 нчы июль). Шимбә көнне, 29 нчы июльдә, 11:30 сәгатьтә Казанның Яңа Савин районында Ямашев проспектындагы 88, 84, 82 нче йортлар арасындагы ишегалдында беренче Ишегалды уеннары узачак.

Турнир триатлон принцибы буенча оештырылган: катнашучыларга балачактан таныш булган өч уенда бер-берсе белән ярышырга туры киләчәк. Башта алар «Картошка» уенын уйнаячаклар, анда тупны җиргә төшмичә оператив рәвештә ыргытырга кирәк. Аннары аларны «Вышибалы» көтә, ә соңгы дисциплина «Двенадцать палочек» дип аталган качышлы уенының катлаулы версиясе булачак, дип хәбәр итә оештыручылар.

Турнирда барлыгы 10 команда – Казан, шәһәр берләшмәләре һәм проектлар җыелма командалары катнашачак. Катнашу өчен гаризаны 27 нче июльнең 12:00 сәгатенә кадәр «ДВОРОВЫЕ ИГРЫ» билгесе белән info@entermedia.io почтасына җибәрергә мөмкин. Заявкада команданың исемен, дүрт уенчының тулы исемнәрен һәм аларның контакт мәгълүматларын (шәхси телефон номерларын һәм Telegram профиленә сылтамаларны) күрсәтергә кирәк. Һәр катнашучының минималь яше – 10 яшь.

Истәлекле кубоклар өчен ярышлардан тыш, теләгән һәркем «классика» яки «резиночка»да уйный алачак. Шулай ук вакыйга кысаларында Run Party Run спорт берләшмәсенә нигез салучы Дмитрий Зыковның воркаут-тренировкасы һәм медицина психологы Суржана Парьянованың «Яхшы күршелек, җәяү йөрүләр һәм ишегалды: менталь система өчен аларның файдасы нәрсәдә» дигән лекциясе узачак.

Чара дәвамында ишегалдында бушлай фотобудка эшләячәк, ә Ишегалды уеннарын музыка белән диджейлар Sasha Spi һәм Nick Wanna тулыландырачак.

Ярышларны Enter интернет-журналы «Безнең ишегалды» республика программасы белән берлектә оештыра.

Шулай ук укыгыз

Барлык яңалыклар