Казанда беренче тапкыр “Хәзинә” халыкара милли традицияләр фестивале узачак

Иске Татар бистәсендә ачык һавада илнең халык һөнәрләре күргәзмәсе оештырылачак.

(Казан шәһәре KZN.RU, 25-нче август, Екатерина Виславская). 30 августтан 2 сентябрьгә кадәр Иске Татар бистәсенең җәяүлеләр йөри торган К.Насыйри урамында Казанда беренче тапкыр “Хәзинә” I халыкара милли традицияләр фестивале узачак. “Иске шәһәр” территориясе префекты Марат Усманов, аппарат киңәшмәсендәге чыгышында чаралар программасы турында сөйләде.

Фестивальдә Россия төбәкләренең осталары һәм оешмалары катнашачак. Префект сүзләре буенча, фестивальдә катнашу өчен Дагыстан, Чувашия, Мордовия һәм Марий Элдан гаризалар килгән, шәһәрләр арасында Псков, Елец, Түбән Новгород һәм Мәскәү вәкилләре бар. “Хәзинә” программасында – халык сәнгать һөнәрләре оешмаларының коллектив экспозицияләре, Татарстан һәм Россия продукциясен җитештерүчеләр, мастер-класслар.

Фестиваль халыкларның мәдәни, традицион мирасын, милли-художестволы һөнәрләрен, этник үзэшчән фольклорын саклау, яңарту; милли гадәтләрне популярлаштыру максатыннан чыгып уздырыла. Оештыручылар – Татарстан Республикасының Халык художестволы һөнәрләре палатасы, Татарстан Республикасының халык художестволы һөнәрләрен үстерү үзәге һәм “Иске шәһәр” префектурасы.

Казан Мэры Илсур Метшин фестивальне уздыруда уңышлар теләде.