Казанда бөек рус шагыйре Александр Пушкин һәйкәленә чәчәкләр салдылар

Казанда бөек рус шагыйре Александр Пушкин һәйкәленә чәчәкләр салдылар

<p> (Казан шәһәре KZN.RU, 6-нчы июнь). Бүген Казанда Рус теле көне һәм шагыйрь Александр Пушкинның тууына 219 ел тулу уңаеннан бәйрәм чаралары уза. Алар М.Җәлил ис. Татар дәүләт опера һәм балет театры янында бөек рус шагыйре Александр Пушкин һәйкәленә чәчәкләр салудан башланды.<br> </p> <p> Тантанада ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Президенты Аппараты җитәкчесе Әсгать Сәфәров, Казан Мэры Илсур Метшин, ТР Дәүләт Советы Рәисе урынбасары Римма Ратникова, ТР мәгариф һәм фән министры Рәфис Борһанов, ТР мәдәният министры Ирада Аюпова һ.б. рәсми затлар катнашты. Шунда ук Пушкин туган көнендә традицион рәвештә оештырыла торган шигъри митинг узды. Анда катнашу өчен республиканың иҗади интеллигенциясе вәкилләре, мәдәният эшлеклеләре, укучылар һәм студентлар җыелды, дип хәбәр итә ТР Президенты матбугат хезмәте. </p> <p> Белешмә </p> <p> Рус теле көне – рус теленә багышланган Россия һәм халыкара дәүләт бәйрәме. 6 июньдә, А.С.Пушкин туган көнне, билгеләп үтелә. Россия Федерациясендә аңа 2011 елда нигез салынган, БМОда – 2010 елда. </p>

2018-06-06T16:08:10+0300