Казанда Гавриил Державин һәйкәленә чәчәкләр салачаклар

Шагыйрьнең тууына 279 ел тулуга багышланган тантаналы чара Лядской бакчасында узачак.

Фото: Денис Гордийко

(Казан шәһәре KZN.RU, 13 нче июль). 14 нче июльдә Гавриил Державин һәйкәле янында шагыйрьнең тууына 279 ел тулуга багышланган чәчәкләр салу тантанасы була.

Тантаналы чарада ТР мәдәният министрының беренче урынбасары Юлия Әдгамова, ТР юстиция министрының беренче урынбасары Айнур Галимов, Россия Язучылар берлеге рәисе Николай Иванов, ТР Язучылар берлеге рәисе Ркаил Зәйдулла, шулай ук милли-мәдәни берләшмәләрнең вәкилләре, педагоглар, фәнни һәм әдәби-мәдәни җәмәгатьчелек катнашачак.

Тантана 10:30 сәгатьтә башлана, дип хәбәр иттеләр ТР Мәдәният министрлыгының матбугат хезмәтендә.

Төп чаралар шагыйрьнең туган ягында – Лаеш районында узачак.

Шулай ук укыгыз

Барлык яңалыклар