Казанда волонтер-табиблар буын авыруларын профилактикалау буенча фестиваль уздырачаклар

Программада - квестлар, мастер-класслар һәм скандинавия йөрешен яратучылар өчен стартлар.

(Казан шәһәре KZN.RU, 11-нче октябрь). 12-нче октябрьдә Казан волонтер-табиблары буыннарның дегенератив авыруларын профилактикалау буенча «Буыннарның сәламәтлеге ышанычлы кулларда» дигән зур фестиваль уздырачаклар. Анда барлык теләүчеләр катнаша ала.

Көн дәвамында шәһәрлеләр өчен терәк-хәрәкәт аппаратын ныгытуга юнәлдерелгән массакүләм физкультура чаралары үткәреләчәк. Фестиваль программасында - скандинавия йөрешен яратучылар старты, квестлар, сәламәт яшәү рәвеше нигезләрен белү буенча викторина, дөрес туклану темасына брейн-ринглар, сәламәтләндерү мастер-класслары һәм башкалар.

Чара В.Ленин исемендәге мәдәни-күңел ачу комплексында узачак, башлануы 9.30 сәгатькә планлаштырылган, дип хәбәр итәләр «Игелекле Казан» коммерциягә нигезләнмәгән автоном оешмасында.

Шулай ук укыгыз

Барлык яңалыклар