Казанда машина йөртүче 25 яшьлек кызны бәрдергән һәм юл-транспорт һәлакәте урыныннан качкан.

Шәһәрнең дәүләт автоинспекциясе Короленко урамындагы 52-нче номерлы йорт каршында булган хәлнең шаһитларыннан элемтәгә чыгуларын сорый.

Фото: Казан шәһәре KZN.RU

(Казан шәһәре KZN.RU, 29-нчы март). Казан дәүләт автоинспекциясе 26-нчы март көнне 5.56 сәгатьтә Короленко урамы буенча урнашкан 52-нче номерлы йорт каршында булган юл-транспорт һәлакәте шаһитларын эзли. Билгесез автомобиль йөртүчесе 25 яшьлек кызны бәрдергән һәм авария урыныннан качкан.

Йөртүче, Гагарин урамы ягыннан Короленко урамы буенча Воровский урамына таба барганда, беренчел мәгълүматлар буенча, сулга борылыш ясаган вакытта, юл бирмәгән һәм җәяүлене бәрдергән. Кыз юлны көйләнелә торган җәяүлеләр кичү юлы буенча светофорның яшел сигналына чыга торган булган. Юл-транспорт һәлакәте нәтиҗәсендә зыян күрүче сул ботының өске өчтән бер өлешен имгәткән, медицина ярдәме күрсәткәннән соң травматология пунктыннан җибәрелгән.

Казан дәүләт автоинспекциясе әлеге вакыйганың шаһитларыннан түбәндәге телефоннарга шалтыратуларын сорый: +7(843)533-38-19, +7(843)533-38-48.

Узган өч тәүлектә – 26-нчы марттан 28-нче мартка кадәр – Казанда 582 юл-транспорт һәлакәте теркәлгән, шуларның 10-сы зыян күргән – 3-се җәяүлеләрне бәрү һәм 7-се транспорт чаралары бәрелешүе. 4 җәяүле, 5 машина йөртүче һәм 3 пассажир төрле дәрәҗәдәге авырлыктагы җәрәхәтләр алган, дип хәбәр итә Россия Федерациясе Эчке эшләр министрлыгының Казан буенча идарәсе ЮХИДИ идарәсе.

Шулай ук укыгыз

Барлык яңалыклар