Казанда машина йөртүче ишегалдында 42 яшьлек хатын-кызны бәрдергән һәм юл-транспорт һәлакәте урыныннан качкан

Дәүләт автоинспекциясе вакыйга шаһитларын эзли.

(Казан шәһәре KZN.RU, 16-нчы декабрь). Казанда 42 яшьлек хатын-кызны бәрдерү шаһитларын эзлиләр. Юл-транспорт һәлакәте 14-нче декабрь 11.30 сәгатьтә Рихард Зорге урамы буенча урнашкан 24-нче номерлы йорт ишегалдында булган.

Машина йөртүче РФ Юл хәрәкәте кагыйдәләренең 2.5 пунктын бозып, вакыйга урыныннан качып китә. Юл-транспорт һәлакәте нәтиҗәсендә зыян күрүченең уң ботындагы йомшак тукымалары бәрелгән һәм уң аяк табанында тире асты гематомасы барлыкка килгән.

Казан Дәүләт автоинспекциясе вакыйга шаһитларыннан түбәндәге телефоннар буенча элемтәгә керүләрен сорый: 5-333-819, 5-333-848.

Исегезгә төшерәбез, Административ хокук бозулар турында РФ кодексының 12.27 маддәсенең икенче өлеше нигезендә, юл-транспорт һәлакәтләре урынынын калдырып киткән өчен транспорт чаралары белән идарә итү хокукыннан 1,5 елга кадәр мәхрүм итү яисә 15 тәүлеккә кадәр административ кулга алу рәвешендә җәза каралган.

Узган ял көннәрендә, 14-нче һәм 15-нче декабрьдә, Казанда 361 юл-транспорт һәлакәте теркәлгән, аларның 9-ы – зыян күрүчеләр белән булган - 8 тапкыр җәяүлеләрне бәрдерү һәм каршылыкка бәрелү. Нәтиҗәдә, 2 җәяүле һәлак булган һәм тагын 10 юл-транспорт һәлакәтендә катнашучы - 7 җәяүле һәм 3 пассажир төрле дәрәҗәдәге җәрәхәтләр алган.

Шулай ук укыгыз

Барлык яңалыклар