Казанда машина йөртүче 33 яшьлек хатын-кызны бәрдергән һәм юл-транспорт һәлакәте урыныннан качкан

Казан Дәүләт автоинспекциясе вакыйга шаһитларыннан түбәндәге телефоннар буенча элемтәгә керүләрен сорый: (843) 5-333-815, 5-333-848.

(Казан шәһәре KZN.RU, 27-нче ноябрь). Казанда 33 яшьлек хатын-кызны бәрдерү очрагының шаһитларын эзлиләр. Юл-транспорт һәлакәте 25-нче ноябрь көнне 18.00 сәгатьтә Меридиан урамы буенча урнашкан 11-нче номерлы йорт ишегалдында була.

Юл-транспорт һәлакәте нәтиҗәсендә җәяүленең сул як табанына зыян килә. Һәлакәттә гаепле машина йөртүче вакыйга урыныннан качкан. Казан Дәүләт автоинспекциясе вакыйга шаһитларыннан түбәндәге телефоннар буенча элемтәгә керүләрен сорый: (843) 5-333-815, 5-333-848.

Искәртеп узабыз, юл-транспорт һәлакәте урынын калдырып качкан өчен транспорт чаралары белән идарә итү хокукыннан бер ел ярымга кадәр мәхрүм итү яки 15 тәүлеккә кадәр административ кулга алу рәвешендә җәза каралган.

Узган тәүлектә Казанда 171 юл-транспорт һәлакате теркәлгән, аларның 4-сендә җәяүлеләрне бәрдергәннәр һәм 2-сендә транспорт чаралары бәрелешкән. Нәтиҗәдә, юл-транспорт һәлакәтләрендә катнашкан 8 кеше - 4 җәяүле һәм 4 пассажир төрле дәрәҗәдәге җәрәхәтләр алган.

Шулай ук укыгыз

Барлык яңалыклар