Казанда машина йөртүче 31 яшьлек җәяүлене бәрдергән һәм юл-транспорт һәлакәте урыныннан качкан

Авария 22-нче октябрь кичендә 25 нче Октябрь урамы буенча 13/6 номерлы йорт каршында була.

Фото: Денис Гордийко

(Казан шәһәре KZN.RU, 23-нче октябрь). Казанда 31 яшьлек җәяүлене бәрдерү шаһитларын эзлиләр. Юл-транспорт һәлакәте 22-нче октябрьдә 17.30 сәгатьтә Октябрь урамындагы 13/6 номерлы йорт каршында була.

Якынча мәгълүматлар буенча, билгесез машина йөртүчесе Степан Халтурин урамы буйлап хәрәкәт итү вакытында, Шульгин урамы ягыннан 1 Май урамына таба, 25 нче Октябрь урамындагы 13/6 номерлы йорт каршында, светофорның рөхсәт ителмәгән сигналына чыккан һәм 31 яшьлек кызны бәрдергән. Ул светофорның рөхсәт итә торган сигналына автомобиль хәрәкәте уңаена уңнан сулга таба көйләнә торган җәяүлеләр кичүе аша чыга.

Юл-транспорт һәлакәте нәтиҗәсендә, кыз сул аягының йомшак тукымаларын җәрәхәтли, травматология пунктына җибәрелә. Машина йөртүче һәлакәт урыныннан качып китә.

Казан дәүләт автоинспекциясе вакыйганы күрүчеләрдән түбәндәге телефоннар буенча шалтыратыратуларын сорый: +7(843)533-38-19, +7(843)533-38-48.

Узган тәүлектә Казанда 162 юл-транспорт һәлакәте теркәлгән, шуларның 6-сы зыян күрүчеләр белән – 3 очрак транспорт чаралары бәрелешү һәм 3 очрак җәяүлене бәрдерү. Нәтиҗәдә 7 юл-транспорт һәлакәтендә катнашучы – машина йөртүче, 3 пассажир һәм 3 җәяүле төрле авырлыктагы тән җәрәхәтләре алган.

Шулай ук укыгыз

Барлык яңалыклар