Казанда ял көннәрендә салкын һава саклана

Терекөмеш баганалары көндезге сәгатьләрдә минус 10 градус күрсәтәчәк.

(Казан шәһәре KZN.RU, 26-нчы гыйнвар). Киләсе тәүлектә Казанда аязучан болытлы һава булачак, явым-төшем көтелми. Көньяк-көнчыгыштан уртача җил исәчәк.

Бүген төнлә терекөмеш баганалары минус 17-19 градус күрсәтәчәк, шимбә көнне көндез һава температурасы минус 12-14 градус тәшкил итәчәк. Юлларда – бозлавык.

Якшәмбе һәм дүшәмбе көндез Татарстанда бераз кар һәм буран булырга мөмкин. Көньяктан уртача җил исәчәк. Шимбәдән якшәмбегә каршы төндә республикада минималь температура минус 16-21 градус тәшкил итәчәк, аяз вакытларда – минус 25 градуска кадәр. Көндез 28 гыйнвар көнне минус 11-16 градус булачак.

Якшәмбедән дүшәмбегә каршы төндә республикада – минус 15-20 градус, аяз вакытларда минус 24 градуска кадәр булачак. Дүшәмбе көнне көндез максималь температура минус 11-16 градус тәшкил итәчәк.

Шулай ук укыгыз

Барлык яңалыклар