Казанда цифрлы форматка тагын 25 муниципаль хезмәт күчерелде

Бу хезмәтләрне алу өчен бернинди учреждениеләргә дә барырга кирәкми.

(Казан шәһәре KZN.RU, 16-нчы апрель). Казанда тагын 25 муниципаль хезмәтне дәүләт хезмәтләре порталы аша цифрлы форматта алып булачак. Шәһәр халкы өчен цифрлы форматта барлыгы 46 муниципаль хезмәт күрсәтелә, алар Башкарма комитетка килгән халыкның һәм эшкуарларның барлык мөрәҗәгатьләренең 78%-ын тәшкил итә. Бу хезмәтләрне алу өчен бернинди учреждениеләргә дә барырга кирәкми.

Муниципаль хезмәтләрне цифрлы рәвештә алу өчен дәүләт хезмәтләре порталында теркәлү яки Бердәм идентификация һәм аутентификация системасы аша порталга керү, Казан Башкарма комитетының бизнес өчен хезмәт күрсәтү каталогыннан сайлап алу һәм күрсәтелгән хезмәт күрсәтү формасын тутыру да җитә.

Шунысын да билгеләп үтәргә кирәк, цифрлы хезмәтләр «Муниципаль хезмәтләр белән идарә итү» мәгълүмати-аналитик системасы аша күрсәтелә, аңа Бердәм идентификация һәм аутентификация системасы аша авторизация юлы белән генә кереп була.

Хезмәт күрсәтүләр өчен мөрәҗәгать иткәннән соң, гражданнарга уңайлы булсын өчен, гаризаны карау статусы турында смс-мәгълүмат бирү кулланыла. Нәтиҗәдә, мәгълүмат алу өчен җирле үзидарә органнарына мөстәкыйль мөрәҗәгатькә вакыт әрәм итү зарурлыгы юк. Моннан тыш, җирле үзидарә органнары ягыннан язмача хәбәр җибәрү кирәк булмый.

Гомумән алганда, Казанда муниципаль хезмәтләргә цифрлы рәвештә ихтыяҗ арта, дип билгеләп үтә белгечләр. Мәсәлән, агач һәм куакларны кисүгә, ябалдашларын кисүгә, утыртуга һәм күчереп утыртуга рөхсәт бирү ; тышкы төзекләндерү элементларын бозуга бәйле җир эшләрен җитештерүгә рөхсәт бирү, рәсмиләштерү, бирү һәм рөхсәтләрне озайту кебек хезмәтләр өчен мөрәҗәгать арткан. Ә узган ел шәһәр территориясендә тышкы мәгълүмат чараларын урнаштыру проектын килештерү хезмәтен мөрәҗәгать итүчеләрнең 97%-ы алды.

Бүгенге көнгә гаризаларны теркәүдән баш тартулар саны 10%-тан кимрәк тәшкил итә, ә хезмәтләргә мөрәҗәгать иткәндә гаризаларны карау срогы 20%-ка кимегән, дип хәбәр итә Мәгълүмати технологияләр һәм элемтә идарәсе.

Цифрлы форматта алырга мөмкин булган муниципаль хезмәтләрнең тулы исемлеге белән сылтама буенча танышырга була.

Шулай ук укыгыз

Барлык яңалыклар