Казанда тест режимында 11 нче номерлы маршрут буенча троллейбуслар эшләтеп җибәрделәр

Линиядә хәрәкәт интервалы 18 минут булган җир өсте электр транспортының өч берәмлеге йөри

Татарстан башкаласында тест режимында «Г.Тукай исемендәге сквер – Танк училищесы» 11 нче троллейбус маршруты кертелде. Мондый карар пассажирларга хезмәт күрсәтүне «Казан зооботаника бакчасы», «Ишкәкле спорт төрләре үзәге» һәм «Квартал Юстиции» тукталышларына кадәр яхшырту өчен кабул ителде.

11 нче троллейбус «Габдулла Тукай исемендәге сквер»дан Островский, Айдинов, Сәлимҗанов, Павлюхин, Даурия, Такташ һәм Оренбург тракты урамнары буйлап барачак. Кире юнәлештә транспорт Оренбург тракты буйлап, Павлюхин, Сәлимҗанов, Пушкин һәм Островский урамнары буйлап киләчәк.

Линиядә хәрәкәт интервалы 18 минут булган җир өсте электр транспортының өч берәмлеге йөриячәк. 11 нче троллейбустан 6:30 дан 20:30 га кадәр пассажирлар файдалана алачак.

6 нчы троллейбус маршруты эше хәрәкәт итүнең элек расланган схемасы буенча оештырылачак, «Казан зооботания бакчасы», «Квартал Юстиции» һәм «Танк училищесы» тукталыш пунктларына кермичә.

Исегезгә төшерәбез, узган елның декабрендә троллейбус маршруты схемасында яңа тукталыш пунктлары кертелде.

Шулай ук укыгыз

Барлык яңалыклар