Казанда ноябрьдә автомобиль шиннарын җыю өчен 10 пункт эшләячәк

Биредә тузган тәгәрмәчләр калдырырга мөмкин, аларны эшкәртүгә җибәрәчәкләр

Фото: Марат Мөгыйнов

(Казан шәһәре KZN.RU, 1 нче ноябрь). «ПЖКХ» ИК Казанда автомобиль шиннарын җыю буенча акцияне озайта. Икенче чималны ноябрь аенда кабул итәчәкләр. Җыелган шиннар һәм тәгәрмәчләр эшкәртүгә җибәреләчәк.

Акция шәһәр халкы арасында популяр булып чыкты, шуңа күрә оештыручылар өстәмә җыю пунктлары ачтылар.

Идел буе районы халкы Магистраль урамы, 77, 5 нче корпус; Авангард урамы, 88а; Техника урамы, 118 адреслары буенча шиннар тапшыра ала. Яңа Савин районында контейнерлар шиномонтаж сервислары янында урнаштырылган: Лаврентьев урамы, 10а; Ф.Әмирхан урамы, 101; Адоратский урамы, 76б. Тиздән пункт Ф.Әмирхан урамы, 48 адресы буенча барлыкка киләчәк. Совет районында шиннарны Себер трактындагы 61 нче бинаның 1 нче корпус бинасы, шулай ук Родина урамындагы 49/3 номерлы бина янында кабул итәләр. Киров районында, Юдино поселогында, контейнер Бирюзовая урамы, 38 адресы буенча урнаштырылды.

Шиннар каты коммуналь калдыкларга керми, шуңа күрә гадәти контейнер мәйданчыкларында саклау тыела. Аларны автомобиль хуҗалары үзләре утильләштерергә тиеш.

Исегезгә төшерәбез, күптән түгел Казанда куллану вакыты чыккан һәм кирәкмәгән медикаментлар җыю пунктлары барлыкка килде. Дару төймәләрен, капсулаларны, порошокларны, дражеларны һәм гранулаларны эш көннәрендә 9:00 сәгатьтән 18:00 сәгатькә кадәр Шуртыгин урамы, 1; Ипподром урамы, 14 адресы буенча калдырырга мөмкин.

Шулай ук укыгыз

Барлык яңалыклар