Казанда дүрт бала тудыру йортында дезинфекция үткәреләчәк

Планлы процедура шулай ук шәһәрнең дәвалау оешмаларының өч акушерлык бүлегенә дә кагылачак.

(Казан шәһәре KZN.RU, 31-нче гыйнвар). 2019 елда Казанда планлы дезинфекция 4 бала тудыру йортында һәм шәһәрнең дәвалау оешмаларының 3 акушерлык бүлегендә үткәреләчәк.

График буенча, 11 февральдән 24 февральгә кадәр, шулай ук 5 августтан 25 августка кадәр 16-нчы номерлы шәһәр клиник хастаханәсенең бала тудыру йорты ябылачак (Гагарин ур., 54). 23 марттан 9 апрельгә кадәр һәм 16 сентябрьдән 3 октябрьгә кадәр медицина университеты клиникасының бала тудыру йорты (Толстой ур., 4) эшләмәячәк. 29 апрельдән 19 майга кадәр, шулай ук 21 октябрьдән 10 ноябрьгә кадәр дезинфекция 7-нче шәһәр клиник хастаханәсенең бала табу йортында (Маршал Чуйков ур., 56) планлаштырылган.

Дезинфекция шулай ук шәһәрнең дәвалау оешмаларының акушерлык бүлекләрендә дә узачак. 11 июльдән 31 июльгә кадәр һәм 11 ноябрьдән 1 декабрьгә кадәр КФУ медицина-санитария бүлегендә (Медсанчасть) акушерлык бүлеге ябык булачак (Большая Красная ур., 51). 20 майдан 9 июньгә кадәр Республика клиник хастаханәсенең (РКБ) акушерлык физиология корпусы эшләмәячәк (Оренбург тракты, 138), ә 26 августтан 15 сентябрьгә кадәр дезинфекциягә РКБ акушерлык обсерватория корпусы ябылачак (Оренбург тракты, 138), дип хәбәр итә ТР Сәламәтлек саклау министрлыгының матбугат хезмәте.

Шулай ук укыгыз

Барлык яңалыклар