Казан шәһәре маршрутларындагы автобуслар санын арттырдылар

Штабны Башкарма комитет җитәкчесе Денис Калинкин үткәрде.

(Казан шәһәре KZN.RU, 8-нче май). Казанда шәһәр маршрутларына бүген иртән 366 автобус чыккан. Бу маршрутлар алдагы атнадагыга караганда өчтән бергә күбрәк, ул чорда алар 230 автобуска хезмәт иткән. Бу хакта бүген коронавирус инфекциясе таралуга каршы тору буенча шәһәр штабында Казан Башкарма комитеты җитәкчесе урынбасары Илдар Шакиров хәбәр итте. Штабны Башкарма комитет җитәкчесе Денис Калинкин үткәрде.

Кичәге көн нәтиҗәләре буенча пассажирлар агымы 235 мең кеше тәшкил иткән, бу алдагы атнаның шундый ук күрсәткеченнән кимрәк.

Татарстан Республикасы сәламәтлек саклау министры урынбасары - Татарстан Республикасы Сәламәтлек саклау министрлыгының Казан буенча идарәсе башлыгы Владимир Жаворонков коронавирус инфекциясе белән авыручылар саны артуы турында хәбәр итте. Әмма табиблар эше штат режимында уза, резервлар койкоурыннар буенча да, җиһазлар буенча да бар. Ашыгыч ярдәмне чакыру саны арткан, әмма аларның үсеше ОРВИ арту белән түгел, ә башка авырулар белән дә бәйле.

Полиция хезмәткәрләре эш бирүченең белешмәләрен һәм смс-рөхсәтләрне тикшерү буенча уздырган масштаблы рейдлар алга таба да дәвам итәчәк, дип белдерде Россия Эчке эшләр министрлыгының Казан буенча идарәсе башлыгы Александр Мищихин.

Дача сезоны башлану сәбәпле, Казан бистәләрендә халык контейнер мәйданчыкларында калдыра торган чүп өемнәре саны артты, дип хәбәр итте Башкарма комитет җитәкчесе урынбасары Искәндәр Гыйниятуллин. Өстәвенә кайбер очракларда халык контейнерларга һәм мәйданчыкларга көнкүреш чүпләрен генә түгел, төзелеш, эре габаритлы чүп-чарны, иске мебельне, грунтны да чыгара. Бу чүп чыгару эшен шактый катлауландыра, чөнки чүп ташучылар мондый очракларда турыдан-туры контейнерга кадәр барып җитә алмыйлар. Денис Калинкин калдыкларны чыгару эшен көчәйтергә кушты.

Шулай ук укыгыз

Барлык яңалыклар