Казанда пиротехник эшләнмәләрне эшләтеп җибәрү өчен мәйданчыклар расланган

Фейерверк атуны берничә ноктада оештырырга мөмкин.

Фото: Марат Мугинов

(Казан шәһәре KZN.RU, 25-нче февраль). Казанда пиротехника әйберләрен эшләтеп җибәрү өчен мәйданчыклар расланган. Фейерверк атуны берничә ноктада оештырырга мөмкин. Тиешле карар Казан муниципаль берәмлегенең Документлар һәм хокукый актлар җыентыгында басылып чыкты.

Фейерверк атуны Киров дамбасы яр буенда, Казансу ярында («Ривьера» кунакханә комплексы белщн «Казан» гаилә үзәге арасында), Казансу акваториясендә һәм Яңа ел бәйрәмнәре көннәрендә шәһәр районнары администрацияләре билгеләячәк мәйданчыкларда оештыру мөмкин булачак. Моннан тыш, контрольлек итүче органнар белән килешү буенча башка территорияләр дә сайланачак.

Казан Башкарма комитетының Гражданнар яклау идарәсе башлыгы Фердинант Тимурханов фейерверк атуны оештыручы пиротехник эшләнмәләр куллануга лицензия булырга, аларны эшләтеп җибәрүгә карата барлык таләпләрне үтәргә һәм тамашачылар өчен куркынычсызлык тәэмин итәргә тиешлеген аңлатты. Рөхсәт алу өчен, оештыручы 14 эш көненнән дә иртәрәк булмаган вакытта, әмма чара үткәрү датасына кадәр 5 эш көненнән дә соңга калмыйча шәһәр Башкарма комитеты җитәкчесе исеменә язмача гариза бирергә тиеш.

Пиротехниканы эшләтеп җибәргәндәге куркынычсызлык кагыйдәләре белән тулырак сылтама буенча танышырга мөмкин.

Шулай ук укыгыз

Барлык яңалыклар