Казанда 90%-тан артык мәгариф учреждениеләре җылылык белән тәэмин ителгән

Кичә мәгариф объектларының 89,4% җылы белән тәэмин ителгән, хәзер бу сан 90%-тан артып китә.

(Казан шәһәре KZN.RU, 24-нче сентябрь). Казанда шәһәрнең барлык белем бирү учреждениеләренә дә диярлек җылылык бирелгән: 349 балалар бакчасында (96,1%) һәм 187 мәктәптә (93%) инде җылы. Хәзерге вакытта барлыгы 552 белем бирү объекты җылылык белән тәэмин ителгән, бу гомуми санның 91,2%-ын тәшкил итә. Күп фатирлы торак йортларга җылылыкны җылылык системалары эшен җайга салу белән бирәләр, әлеге эшләр ике атнага якын вакытны ала.

Шәһәрдәге җылыту сезоны рәсми рәвештә бүген старт алды, ләкин күп кенә хастаханәләр, стационарлар, бала тудыру йортлары, интернатлар һәм башка социаль учреждениеләргә җылылык инде бирелгән иде. Шулай итеп, кичә мәгариф объектларының 89,4% җылы белән тәэмин ителгән, хәзер бу сан 90%-тан артып китә.

Белгечләр билгеләп үткәнчә, миллион халкы булган шәһәрнең барлык йортларында да җылылыкны кертү мөмкин түгел – ике атнага якын җылылык системаларын көйләү һәм җайга салу эшләре башкарылачак.

Исегезгә төшерәбез, Казанда район администрацияләрендә һәм идарәче компанияләрдә кайнар линия телефоннары эшли башлады, аларга җылылык бирү чоры вакытында шалтыратыр була. Моннан тыш, җылылык сезонын башлау турындагы сораулар белән шәһәрлеләр Торак-коммуналь хуҗалык комитетына түбәндәге номерлар буенча мөрәҗәгать итә ала: 590-96-22, 590-96-23 һәм «Ачык Казан»га 236-41-23 номеры буенча чыгарга мөмкин.

Шулай ук укыгыз

Барлык яңалыклар