В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
24.11.2025, 11:51
Казанда «Йорт янында спорт» проектының кышкы сезоны башлана
Казанлылар өчен беренче тапкыр тимераякта шуу һәм башка кышкы спорт төрләре буенча остаханәләр оештырылачак
Марат Мөгыйнов фотосы
Татарстан башкаласында «Йорт янында спорт» проекты кысаларында яңартылган актив чаралар программасы эшли башлый. Бу елны шәһәр халкы өчен беренче тапкыр тимераякта һәм чаңгыда шуу остаханәләре, шулай ук кышкы актив чаралар буенча дәресләр оештырылачак. Күнекмәләр шәһәрнең паркларында һәм ишегалларында үткәреләчәк. Бу хакта аппарат киңәшмәсендә Казан шәһәре Башкарма комитетының Физик тәрбия һәм спорт комитеты рәисе Линар Гарипов сөйләде.
Чыгыш ясаучы билгеләп үткәнчә, тагын бер яңалык – күнекмәләр ябык манежларда ел әйләнәсе дәвам итәчәк. Анда йога, тартылу-сузылу, йөгерү һәм башка юнәлешләр буенча дәресләр үткәреләчәк. Күнекмәләргә, элеккечә, проектның телеграмм-каналында язылырга кирәк булачак.
Кышкы чорда «Безнең ишегалды чемпионнары» спартакиадасы чаралары дәвам итәчәк. Ярышлар программасына яңа дисциплиналар: кар волейболы, футбол, хоккей һәм чаңгы ярышлары кертелә.
Яңа елда шулай ук «Спорт яллары» дип аталган проект эшли башлый. Казан халкы әлеге проект кысаларында шәһәр мәйданчыкларында ял көннәрен гаиләләре белән бергә файдалы итеп уздыра алачак.
Исегезгә төшерәбез, «Йорт янында спорт» проектының җәйге сезонында 12 меңнән артык шәһәр кешесе катнашкан. 24 юнәлеш буенча шәһәрнең 45 ноктасында 550 күнекмә оештырылган.
Фоторепортаж
Эшлекле дүшәмбе, 24.11.2025
Видеорепортаж
24.11.2025
11:53
Казанда тимераякта шуу өчен 105 урын әзерләнә
Шулай ук укыгыз
-
24.11.2025, 17:55 -
24.11.2025, 17:41 -
24.11.2025, 17:20 -
24.11.2025, 17:03