Казанда «Кунакчыллык йолдызлары» туризм өлкәсендә һөнәри осталык юбилей конкурсы старт ала Бүген конкурс мәйда

Бүген конкурс мәйда нчыгында эчке һәм читтән керү туризмы буенча менеджерлар, ресторан һәм портье менеджерлары үз осталыкларын күрсәтәчәк.

(Казан шәһәре KZN.RU, 3-нче март). Бүген Казанда туристлык һәм кунакханә индустриясе предприятиеләре хезмәткәрләре арасында һөнәри осталык буенча «Кунакчыллык йолдызлары» V юбилей муниципаль конкурсы старт ала. Идел буе дәүләт физик культура, спорт һәм туризм академиясендә «Эчке һәм читтән керү туризмы буенча иң яхшы менеджер», «Ресторанның иң яхшы менеджеры», «Иң яхшы портье» компетенцияләрендә конкурс сынаулары узачак. Катнашучылар биремнәрне 10.00 сәгатьтә үтәргә керешәчәкләр.

5-нче март 13.00 сәгатьтә Courtyard by Marriott Kazan Kremlin отелендә «Иң яхшы официант», «Иң яхшы бармен», «Иң яхшы пешекче», «Иң яхшы кондитер», «Иң яхшы җыештыручы» һәм «Иң яхшы блогер» номинацияләре буенча конкурсның гамәли өлеше узачак, дип хәбәр итә Туризмны үстерү комитеты.

«Кунакчыллык йолдызлары» конкурсы Казанда бишенче ел рәттән уза. Быел һөнәри ярышларда катнашу өчен шәһәрнең туристлык тармагыннан 150 вәкил гариза биргән. Узган ел бәйге 130-га якын кешене берләштерде, алар 9 номинация буенча ярышты. Жюри составына 39 кунакханә, рестораннар, туристлык компанияләре, шәһәрнең профильле югары уку йортлары вәкилләре керде.

Шулай ук укыгыз

Барлык яңалыклар