Казанда «Ничек галим булырга?» дигән яңа белем бирү проекты старт ала

Казанда «Ничек галим булырга?» дигән яңа белем бирү проекты старт ала

<div class="detail-picture"> <img src="https://kzn.ru/upload/iblock/f2f/f2fb35445cc83c36c052dc86298b8e40.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 29 нчы сентябрь). 5 нче октябрьдә Казан Кремлендә «Нанодөнья: материя эченә сәяхәт» темасына лекция узачак. Ул «Ничек галим булырга?» дигән яңа проект очрашулары циклын ачачак. </p> <p> Беренче чарада спикер физика-математика фәннәре кандидаты, КФУның Физика институтының квант электроникасы кафедрасы доценты Егор Алакшин булачак. Ул нанотехнологияләр өлкәсендәге фән һәм техника казанышлары турында сөйләячәк һәм тыңлаучыларны наноструктуралар һәм наноҗайланмалар белән эшләү принциплары белән таныштырачак. Лекция булачак һөнәрне сайлау һәм фән белән кызыксыну формалаштыру өчен башлангыч нокта булырга мөмкин, дип билгеләп үтә оештыручылар. </p> <p> Очрашу 16:00 сәгатьтә башланачак, шәһәр халкын Гавами урыннарда көтәчәкләр (4 нче подъезд, 2 нче кат). Алдан <a href="https://kazanskiy-kreml.timepad.ru/event/2607254/">теркәлү</a> буенча керү ирекле. </p> <p> «Ничек галим булырга?» проектын Казан федераль университеты һәм «Казан Кремле» музей-тыюлыгы гамәлгә ашыра. Инициатива укучыларның игътибарын фән һәм тикшеренүләргә җәлеп итүгә, дисциплинаны өйрәнүне стимуллаштыруга, шулай ук профориентациягә юнәлтелгән. Балалар өчен төрле юнәлешләр буенча лекцияләр циклы әзерләнгән: физикадан алып икътисадка кадәр. Лекторлар КФУның Яшь галимнәр ассоциациясе вәкилләре булачак, ә проект Педагог һәм остаз елына багышланган. </p>

2023-09-29T16:20:09+0300