Казанда бертуган Крестовниковларның элеккеге заводы бинасын реновацияләү башланды

Казанда бертуган Крестовниковларның элеккеге заводы бинасын реновацияләү башланды

<p> </p> <div class="detail-picture"> <img src="/upload/iblock/aaf/aaf79bc3db9ad26a521f6b203a5a2c9c.jpg"> <p class="detail-picture__caption"> Фото: «СМУ-88» </p> </div> Мәдәни мирас объектын – бертуган Крестовниковларның Кабан күле ярында урнашкан элеккеге заводы бинасын реновацияләү башланды. Объектта аварияләргә каршы эшләр алып барыла, алар якынча биш айга сузылачак. <p> </p> <p> Хәзерге вакытта бинада Jet2 технологиясе буенча фильтрациягә каршы җайланма урнаштыру, кирпеч стенаны ныгыту һәм реставрацияләү, периметрны тулысынча гидроизоляцияләү зарур. Фундаментка аерым игътибар биреләчәк, белгечләр аны Jet 1 субайлары, 400 мм калынлыктагы тимер-бетон плитә белән ныгытачаклар, шул рәвешле төзелеш конструкциясенең бөтенлеген тәэмин итәчәкләр. </p> <p> Авариягә каршы эшләр комплексы тәмамлангач, «СМУ-88» компанияләр төркеме мәдәни мирас объектын реставрацияләү һәм үзгәртү буенча проектны гамәлгә ашыра башлаячак. Объектның тарихи күренешен саклап калу өчен төзелеш вакытында «бина эчендә бина» концепциясе кулланылачак. Корылма эчендә ябык һәм ачык музейлар, спа, зур булмаган кафелар һәм рестораннар, бутиклар һәм апартаментлар урнашачак. </p> <p> 1853 елда төзелгән ике катлы бинаны реновацияләү концепциясен Шәһәрне үстерү институты кураторы, Wall бюросына нигез салучы Рубен Аракелян «СМУ-88» заказы буенча эшләгән. Авариягә каршы эшләр башкаруга рөхсәт агымдагы елның февралендә ТРның Мәдәни мирас объектларын саклау комитеты тарафыннан бирелгән. </p> <p> Реновацияләүнең генераль подрядчысы – «СТФ Стандарт-Р» ҖЧҖ. Әлеге оешма тарафыннан башкарылган эшләр арасында Жуковский урамындагы музыка мәктәбен, сәүдәгәр Чукашев йортын һәм XVIII гасырда шагыйрь Гаврила Каменев яшәгән бинаны атап үтәргә мөмкин. </p> <br>

2024-02-29T12:02:39+0300