Казанда тугызынчы сыйныф укучылары өчен дәүләт йомгаклау аттестациясе башланды

Казанда тугызынчы сыйныф укучылары өчен дәүләт йомгаклау аттестациясе башланды

<p> (Казан шәһәре KZN.RU, 24-нче май). Бүген бөтен Россия буенча тугызынчы сыйныф укучылары өчен имтиханнар тапшыруның төп чоры башланды. </p> <p> Мәктәп укучылары төп дәүләт имтиханын һәм дәүләт чыгарылыш имтиханын иң беренче чит телләрдән тапшырачаклар. Әйтик, Татарстанның 2754 тугызынчы сыйныф укучысы 50 җиһазландырылган пунктта төп дәүләт имтиханын тапшырачак, шуларның 2703-е инглиз телен, 18-е алман телен, 32-се француз телен тапшыра. 1 кеше немец теле буенча имтиханны дәүләт чыгарылыш имтиханы формасында тапшыра. </p> <p> Имтихан 10.00 сәгатьтә башланды. Язма өлешнең дәвамлылыгы – 2 сәгать (120 минут), телдән җавап бирү өлеше - 15 минут. Сәламәтлек мөмкинлекләре чикләнгән балалар һәм инвалид балалар өчен төп дәүләт имтиханын бирү вакыты 1,5 сәгатькә арта. </p> <p> Татарстан Республикасы Мәгариф һәм фән министрлыгында билгеләп үтүләренчә, чит тел буенча имтиханнар (язма өлеш һәм «Сөйләү» телдән җавап бирү өлеше) 24-нче һәм 25-нче майда узачак. </p> <p> Чит телләр буенча төп дәүләт имтиханы, дәүләт чыгарылыш имтиханы үткәрелүен 100 җәмәгать күзәтүчесе – Татарстан Республикасының һөнәри белем бирү оешмалары студентлары күзәтәчәк. Моннан тыш, барлык аудиторияләрдә офлайн-күзәтү алып барылачак, дип хәбәр итә ТР Мәгариф һәм фән министрлыгы матбугат хезмәте. </p>

2019-05-24T10:23:00+0300