Казанда "Кунакчыллык йолдызлары" бәйгесендә катнашу өчен гаризалар җыю башланды

Ярышларга 10 февральгә кадәр кушылырга мөмкин.

(Казан шәһәре KZN.RU, 25-нче гыйнвар). Казанда ел саен уздырыла торган "Кунакчыллык йолдызлары" муниципаль һөнәри осталык конкурсында катнашуга гаризалар җыю башланды. Менеджерлар, официантлар, бүлмәләрне җыешт ыручылар һәм башка хезмәткәрләр осталыгы конкурсына 10 февральгә кадәр кушылырга мөмкин.

Туризм һәм кунакчыллык өлкәсе вәкилләре арасында һөнәри осталык конкурсы Казанда дүртенче тапкыр уздырыла. Җиңүчеләрне 9 номинация буенча сайлап алачаклар: "Иң яхшы портье", "Иң яхшы гид-экскурсия алып баручы", "Иң яхшы официант", "Иң яхшы бармен", "Иң яхшы пешекче", "Иң яхшы шеф-пешекче", "Иң яхшы бүлмәләр җыештыручы", "Эчке һәм тышкы туризм буенча иң яхшы менеджер" һәм "Ресторанның иң яхшы менеджеры".

Катнашу өчен гариза тутырырга һәм аны zakirovadel8713@gmail.com электрон адресына җибәрергә кирәк. Конкурс турында тулырак мәгълүматны биредә укып була.

Җиңүчеләр "Кунакчыллык йолдызы" призлар һәм дипломнар алачак, дип искә төшерә туризмны үстерү комитеты.

Исегезгә төшерәбез, узган ел бәйгедә 110 кеше катнашты. Жюри ярыш нәтиҗәләре буенча 8 номинациядә җиңүчеләрне билгеләде.

Шулай ук укыгыз

Барлык яңалыклар