Яңалыклар
04.09.2019, 11:52
Казанда физика өлкәсендә Завойский исемендәге премия алуга гаризалар кабул ителә башлады
Җиңүчеләр 26-нчы сентябрьдә билгеле булачак.
(Казан шәһәре KNZ.RU, 4-нче сентябрь). Казанда яшь галимнәр арасында физика өлкәсендә Завойский исемендәге шәһәр премиясен алуга гаризалар кабул ителә башлады. Конкурста 35 яшькә кадәрге Казан югары уку йортлары һәм фәнни-тикшеренү оешмаларының аспирантлары һәм яшь галимнәр катнаша ала.
Премия алырга теләүчеләрнең эш темалары конкурсның актуаль һәм тиешле юнәлешләренә багышланырга, проектта хәл ителә торган бурычлар – фәнни әһәмиятле, методлар һәм алымнар яңа булырга тиеш. Моннан тыш, экспертлар төгәл нәтиҗәләргә, йомгакларга яки киңәшләргә, шулай ук эш нәтиҗәләрне гамәлдә куллану мөмкинлегенә дә бәя бирәчәк. Катнашучылар мөстәкыйль рәвештә оригиналь бурычлар куя һәм аларны хәл итүгә карата тискәре караш күрсәтә торган проектларга өстенлек биреләчәк, дип ассызыклый оештыручылар.
Стипендия алуга конкурста катнашу өчен, 13-нче сентябрьгә кадәр Казан федераль университетының квант электроникасы һәм радиоспектроскопиясе кафедрасына кирәкле документлар һәм конкурс эшен тапшырырга кирәк. Документлар исемлеген һәм гариза формасын сылтама буенча конкурс нигезләмәсендә табарга була.
Җиңүчеләр 26-нчы сентябрьдә билгеле булачак.
Завойский исемендәге премия 1997 елдан алып эксперименталь, теоретик һәм гамәли физикада ясалган казанышлар өчен бирелә. Конкурсның 20 елдан артык гамәлдә булу дәверендә премияне 60-тан артык яшь галим алды, аларның күбесенең исемнәре бүген фәнни дөньяда билгеле. Алар Казан физик мәктәбенең традицияләрен читтә дә уңышлы дәвам итәләр. Премияне оештыручылар - Балалар һәм яшьләр эшләре комитеты, Казан (Идел буе) федераль университеты һәм Е.К.Завойский исемендәге Казан физика-техник институты.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
